1340-01-11 (1341) |

Ms Op te Straten v.d. Molen Coll van Asch van Wyck dl 3 fol 805/Ned Leeuw

Haarlem Algemeen

schepenen in Haerlem oirconden dat voer ons Jan Boeter ende verliede dat hij gehuijrt heeft tot erffhuijr jegens Jacob van Bakenesse, Claes van Bakenesse ende Aelbrecht die Weent Dircxz een hoffstede in Bakenesse, vierdalff roeden breet, leggende tusschen broeder Jan ende der steghe, utgaende van halff den sloete tot aen die Spaerne, om veerthien schellingen sjaers in rechter poertrecht jaerlix te betalen tot Bamisse, met allen rechte ende in allen manieren als Jan van Adrichem sijne hoffstede gehuijrt heeft. In oirconde desen brieve besegelt met onsen segelen int jaer ons Heren 1340 des Dinghedages nae Darthiendach

Aerndt van Berckenrode, Wouter van Rollant ende Gerrit Louwenz, schepenen