1382-02-24 (1381) |

R.A.H. 45 fol 330v/Reg Albr. IV fol 195

Haarlem Algemeen

Hughe van Ruven heeft ontfaen van minen Heer sulc goet als die brief inhout die hier na geschreven staet, ende sijn moeder van minen Heer plach te houden. Albrecht etc oorkondt: dat wi ghegeven hebben ende gheven joncfrouwe Lijsbetten Hughendochter van Zanen om een somme van ghelde die si ons vol ende al betaelt heeft, van ons te houden ten rechten lien 18 morgen lants metter woninghe die daerop staet die Huge voers van ons te houden plach ende gelegen sijn bi der stede van Haerlem, aen die noertside, behouden der vrouwe die Hughe wijf was in sinen lesten live, alsulcke lyftocht als si heeft aen den goede voers. Sterft zij zonder blijkende boerte soe soude dit goet comen op hoer outste dochter die waerlic joncfrouw of wijf waer van ons te houden ten rechten leen, ende niet vorder. Dit goet heeft mijn heer Hughe verlijt ten rechten leen ende niet vorder alse voers is