1384-01-17 (1383) |

R.A.H. Coll Aanw 64 fol 86-89/Mem. B.G. fol 57v-60

Haarlem Algemeen

Jan Claesz van Hoerne, Clais Willemsz en Dirc Willemsz over dese 3 claechden Jan van Boulgherien dat sij hem sijn wijf ende sijn goet genomen hebben. Dit syn sulcke doetslagen als gesciet syn binnen Haerlem: 1) van Dirck Florijsz doet sijn gebleven Willem Florysz zijn broeder, Gheryt Taemsz, Martyn Taemsz, als mage Dircks voirs, hierof geweest Bertolomeus Sijtssoon als hantdadige ende toghet daerof scepenebrieve dat hi daerof mit recht quit gewijst soude wesen; 2) van Claes doet van der Mere. Hierof syn gebleven Jan Eijlaertsz, zyn vader,ende Jan Pieter Meusz; 3) van Verdebout Dircsz doot. Hierof syn gebleven syn broeder Gheryt, Huge Florensz, Aernt Florensz, Vrederic Verdeboutsz, Foijkin Bannenz ende Gherijt Hughenz. Hierof was gecomen Claes Dirck Valkenz.z alse hantdadige ende hadde nyemant van sinen magen mit hem gebracht alsoe dat hijs niet bliven en woude noch en mochte; 4) van Ocker Mathysz doot. Hierof sijn gebleven zijn vader Mathys Brederoedsz, Claes van der Laen die wagenaer, Gysbrecht syn soen ende Coman Wouter Alijd Melis man. Van desen voers. doetslage waren gecomen Dirc Florysz ende Willem Florijsz als handdadiger, ende en hadden geen borgen te setten, daer mede liet men t staen; 5) van Dullaerts doet van Rollant. Hierof syn gebleven Jan Bertolomeusz van eenen vierendeel, roerende van den Dullaerdinger, ende Jan Florijsz uter maechscip van Rollant. Hierof is gecomen Willem Gherytsz die men daerin besculdicht heeft, ende seyt datter Jacop Rijc ende Dirc Willemsz meer sculdich toe hadden dan hi