1422-09-26 |

Van Riemsdijk: Rechtspraak Graaf van Holland no 126 p 149/Memoriale XIII fol 47v

Haarlem Algemeen

wort overdragen bi den Rade ende der stede van Haerlem dat Henric Jacobsz tussen dit en St Lucasdach naestcomende comen sal in den Hage voor den Rade om hem te verandworden van sulken brueken als men him upseggende is alze van ander lude goet dat hi voorbij myns heren tollen gevoert soude hebben, dair syn ossen voir aengetast zijn tot XIX toe. Ende wairt dat hi binnen deser tijt of binnen 3 weken daernae niet ter antwoirde en quame als voirs. is, so sal myn here die ossen behouden of hi sal dair voir geven 60 nobelen. Hiervoir hebben gelooft van der stede wegen van Hairlem, Jan van Bekensteyn, burgermeester en Jan Gael Florisz, schepen aldaar