1425-10-27 - 1427-10-27 |

Van Riemsdijk: Rechtspraak Graaf van Holland II no 292/Thesauriersrekening fol 52, 52v

Haarlem Algemeen

Thesauriersrekening van Boudyn van Zwieten van brueken ende forfeyten ontfaen. In den eersten soe is te weten dat Jan Willemsz van Schoten mede beruft was van den stucken van Haerlem, van dat men mynre vrouwen van Brabant [gravin Jacoba] ende den Kennemers een poorte upgeslagen soude hebben, doe sij voir Haerlem lagen, want diegene daerover gerecht was hem daerin bedragen hadden. Des heeft hij daeraff syn lyf weder gecoft tegen mijnen genadigen heere ende syn goede, mar ewelic uut den lande te bliven, ende hem wort ghracie gedaen van sinen live, omdat hij eensdeels buten sinen sinnen was ende seer cranck in sijnre olye (?) te bedde lach, soedat sommige [van] syn mage voir hem dadinghen by heren Roelant van Uutkerken ende bi den tresorier na uutwisinge synre brieve, die hij daerof heeft om 400 Holl scilden, facit 400£. Item so was een poorter van Haerlem geheten Willem Dircsz oic gevangen om der zake wille voirs, die oic cofte syn goet bi heer Roelant van Uutkerke om 500 Beyers gld, ende des soude hi selve uten lande trecken, facit 375£. Op 1426-07-27 vergaf mijn here Willem Dircsz al zijn breuken en geeft hem weder zyn lyf en goed om 500 Beyers gld mits hij binnen 8 dagen uit den lande trecken sal