1448-04-26~ |

Cartul St Jan Haarlem no 544

Haarlem Algemeen

eersame ende gheminde heere ende vrijent, u wil gelieven te weten hoe dat Claes Claesz van Zaenden onse medepoerter van u begheert te hebben alsulck gelt als Beatrijs Viviens wedue, sijn oudemoeder, die God genadich sij, onder u tot sijnre behoef geleit heeft. So ist dat wij Claes Claesz van Zaenden geset ende geordineert hebben sijn voecht te wesen Tyman Gerytsz, synen neve. Ende bidden uwer eerbaerheit hem dat gelt bij sijns voechts hants ut te reijken ende over te leveren etc. Gescreven opten 26e dach in Aprille. Die stede van Beverwyck [zondre jaar]