1467-1575 (3) |

A.R.A. Familieregister van Spaernwoude (voorlopig) Charterdoos Fack VII van het Familiearchief Heereman van Zuydtwijck

Haarlem Algemeen

(vervolg) (fol 7) Jan Lambertsz die wantsnyder in die Damstraet, Jan Zuermont die wijnscroer een tuyn daer op staet 9st sjaars. Croen die smit een tuyn daer op staet 9st ende 6 penn, ende ghift nu sijn zoen. Margriet van Assendelft een tuyntgen daer op staet 4½ st 6 pen, Pieter Hugenz pelser een tuyntgen daer op staet 4½st. Dit bruijct Florijs Symonsz die caersmaker om 9st 6d; (fol 8) Coman Arijs een tuyn daer op staet 16st. Dirc Dircsz die smit een tuyn daer op staet 15st ende pleecht Jan wielmaker te geven. Van al dese gelden so heb wij die minre helft voirs; (fol 8v) item alsoe Jacob van Assendelf Jan van Bushusens rentmeester was van die gueden gelegen bij der stede van Haerlem, so heb ic hem verhuert ½ boemgaert van mijnre moeijen wegen van Ruijven, daer sij an verlijftocht was, gelegen buiten die Cruyspoort op ten H. Driekoningen avond anno LXVIII 5 jaer lang after elc jaer om 40st, mer 2 jaer hier te voren so was mijn moije in die lyftocht bestorven ende heeft sij selver gebruijct. Item int jaer van LXXIIII omtrent Ponciani so heeft Jacob van Assendelft Dirc Jansz die metselaer verhuert denselven boemgaert 6 jaer lanc al heel om 5 R gld sjaers, dat ic ½ ontfangen hebbe; (fol 9) item Jan van Bushusen heeft dese gueden al te mael laten setten op Gerijts wijf van Abbenbroec, zyn zuster, ende sij heeft dit nu bevolen te bewaren dat bij Haerlem leit een genoemt Ysbrant uten Hage. Item Ysbrant uten Hage heeft vercoft een deel ouder bomen omtrent den boemgaert voers, daer hij of ontfangen heeft 4¼ R gld omtrent Mey LXXXII. Ende hij heeft weder een deel elst laten poeten omtrent denselven boemgaert, daer hij een deel van die gelden an te cost geleit heeft ende hier is over gelopen 34st, die heeft hij mij half gegeven des Donresdagen voor St Maria Magdalena anno LXXXIII