1471-03-12 |

Inv Arch Kerkvoogdij Haarlem no 186 fol 51v regest 222/Cartul Zeven Getyden Haarlem

Haarlem Algemeen

ick Jacob Hugez doen cont allen luyden, also mij Vranck Robbenz gelooft en verbonden heeft onder zeker zegel ende brieve als dat hij syn goet tot genen tyden belasten noch bezwaren en sal, noch weerloes werden en zal mit enige vercopinge off pachten, hetsij op husinge of op erve of op lant, soe heb ick nochtans om bede wille van Vranck voors. geconsenteert ende belieft dat hij vercoft heeft Jan Jacob Muessenz alle alsulcke pachten ende renten als den brieff die hij van Vranck voers. daeroff heeft, dat uijtwijst ende begrypt. Want ick Jacob Jugez voers. dese voers. sake overgegeven ende belieft heeft soe heb ick gebeden den eerbaren Claes Jansz van Hillgeom ende Dirck Pietersz, schout tot Heemstede, desen brieff over mij te bezegelen etc