1385~ |

R.A.H. Coll Aanw 50 fol 92/Reg B B Bloys fol 107v

Jaartallenindex

want her Dirc Loef heer van Huerne op die een side ende Her Gerijt van Harler heer van Poederoijen op die ander sijde, an ons Janne van Bloijs heer van Scoenhoven ende van der Goude eens seggens ghebleven sijn, des wi huer opene brieve hebben mit huere ende mit huere vriende segele besegelt van alsulcken stoet (?) als si onderlinge hadden. So is ons seggen dat die heer van Huerne ende die heer van Poederoijen voertaen goede vrienden wesen sullen. Ende voer die 450 motten die die heer van Huerne den heer van Poederoijen sculdich was des hi brieve hadde, soe sal die heer van Huerne den heer van Poederoyen geven 600 sulker motten als die voors. brief begrypt, te betalen tussen nu ende Jaersdach naestcomende. Ende van anderen twiste of stoet die d'een jegens den anderen hebben mach roerende van hertoge van Gelre of anders dat houden wi an onse verclaren tusschen nu en St Jansmisse midsomer naestcomende. Dit seggen was geseyt op onsen huse te Scoenhove, op St Clemensdach 1365

daer bi waren die heer van Poederoyen selve ende sine vriende als: die heer van Haerleer, die heer van Amersoeyen, her Jan van Haerler, her Goeswijn van Rossem, Jan ende Gheret van Leyenberch, ende sheren vriende van Huerne die dit seggen ontfengen ende aennamen van sinen wegen als her Willam van Drongelen, Jan uten Campe, Florens van Ryswyck