1518-09-03 |

G.A. Haarlem Inv I no 1633/Cartul H. Geest Haarlem fol 81

Jaartallenindex

Gheryt heer tot Assendelft, ridder, Raet ordinaris des Conincx van Spangien in Hollant, Zeelant en Vrieslant, oorkondt: dat ick door naerstich vervolch van mr Hughe van Assendelft mijnen neve, oock Raet des Conincx van Spangien, ende om die vermeerderinghe van Goodts diensten, denzelve mr Huijghe geconsenteert hebbe etc om aan het Convent van Bethlem in den Haghe te transporteeren een weer lants groot 14 geerden, gelegen in den ban van Assendelft, ende belent hebben oost: die Twisch, streckende tot in de Wijckermeer westwaert, noord: Symon Dirricksz weer, zuid: dat Vroonweer. Behoudelyck dat het voors. convent gehouden zal wezen te passeren brieven by den welcken zij beloven zullen t voors lant te houden in scot ende in lot ende in allen contributien in alre manieren oft in de hant van een waerlick persoon gebleven waere, welcke brieve midts desen gheregistreert zullen worden int register tot Assendelf, daer men gelijcke brieven ghewoonlick is te registreren achtervolgende t placcaet van den Coninck anno 15 ghepubliceert. Des toorconde zo heb ick mijn zeghel hier beneden aengehangen. Achter opte rughe van de voors. brief staet bij mr Huych van Assendelft gheschreven bij zijn eijghen hant ende onderteyckent: Nota: gheeft die heer van Assendelft concent dat ick mochte maken dat convent ende zusteren etc daerom ende zo veel te bat mach ick maken die Heylighengheestmrn ende den armen tot Haerlem waerlicke personen blyvende dat lant altijt waerlijck ende scotbaer. Ende dit al heb ick ghedaen dat ick immers ende simpli .... niet doen en zoude jegens die placaten des konings. Geschreven bij mij Huyghe van Assendelft den 3e Juli 1534 ..... (?) 54. in margine: Jan Heynen weer