1414-08-10 |

G.A. Alkmaar Kloosters Oude Hof no 8/dr Vangassen no 285 p 153

Jaartallenindex

ick Pieter Jansz Vrees tot Haerlem kenne ende lije dat ick verkooft hebbe een acker lants in de Berghermeer, legghende in de vryheijt of in de ban van Alcmaer, [aan] de susteren van Sinte Katrinen dat Owde hoof ghenoemt, legghende twisken twe stucke lants ghenoemt dat ene stucke lants die seven ackeren an die ene sijde, ende dat ander genoemt die Reetkamp. Welcke acker lants ick Pieter Jansz lije daerof betaelt te wesen. Sonder meer dat dit waer is, soe hebbe ick dit selven ghescreven ende mijn marck hieronder geset in t jaer ons Heren 1414