1533-03-30 |

Kroniek Hist Gen jg 1851 p 78/Arch Mathenesse

Jaartallenindex

testament van Ernst van Ysenderen van Sterkenburch, schildknaap. Voert zoe sal oick alle jaer op ons lijeffs Heren Hemelvaertsdach die pastoer en de coster van Nederlangebroick doen ende houden een schonen singen den dienst in de cappelle van Starckenborch van St Gangulphus, patroon van Starckenborch, mit die memorie van de broederschap van Starckenborch, ende bidden voer al diegenen die in de voors. broederscahp zijn, nemptelicken voer mij ende vrunden, huijsvrouw, beider ouders, vriende en magen voorn, ende die in de Vyf en twintig hoeven ende oeck in den gerechte van Starkenborch wonnen ofte bouwen, daervan een memoriboek wesen sal. Ende waert zaicke dat die voirn pastoer mijt den coster nijet en quam tenzelven daghe om den voorn. dienst te doen, zoe sal die cappellaen van Starckenborch den dienst doen. ende alle die broders van de voorn. broederschap die opten voern. dach comen to Sterckenborch ende aldaer misse horen ende offeren ende aldaer bij Starckenborch blijven eten, zullen elck van hem hebben een vaen biers. Oick sullen alle manspersonen die in de voorn. broederschap syn, geven na hoer overlijden 12 Phil st insgelick die vrouwen van de voorn. broederschap 6 Phil st tot behoef van de voern. capelle