1500-02 |

G.A. Monnikendam Inv 154 fol 59v/Diversorium Galileaconvent

Jaartallenindex

item Symon Claesz mit mijn kinderen bi consent van die wesevoechden van Monikedam heb vercoft den prior broeder Jan van Purmereynd ende den ghemeen convent van Galileen etc dat ⅓ deel van drie deympt lants mit dat ⅓ deel van zijn uterdijck, gheheten Mollersdyckamp, gheleghen in Monckebroek an die Purmerdyck om een seker somme etc wel betaelt etc ende heb daer quytsceldinghe of ghedaen mit mijn kinderen in teghenwoerdicheit van 2 scepenen als Pilgram Jansz ende Mantijs (!) Jansz ende twie wesevoechden als Jacob Pietersz ende Gheryt Garbrantsz [Pauw] ende twie lendenen als Dirc Aems ende Jacop Jansz. Ende tot een teijken der waerheyt soe heb ic Symon Claesz voers. ghebeden Jan die Wit die toe ter tijt wesevoecht was, dat hi dat soude teykenen ende scriven in dat weseboeck. Ende ic Jan die Wit om bede wille van Symon Claesz weghen soe heb ic dit int weseboeck ghescreven ende gheteykent