1496 |

G.A. Monnikendam Inv 154 fol 58/Diversorium Galileaconvent

Jaartallenindex

dese naeghescreven landen ende renten sijn vercoft ende weder beleit als hier nae bischreven staen. Van Trijntgen Martensbrief in Winckel. Item in den eersten soe is vercoft die brief van Winckel die ons besproken hadde om Goeds willen Marten Jacobsdochten (!) als Lobberich ende Aeltgen, ende hierof hebben wij of ontffanghen koeijen ende raepsaet ende bi een pont groet an ghelt ende dit is al te mael int convent gegaen ende onbeleit. Item van die drie voers. maechden van haer testament heb wi ontfanghen 13 g. R gld derdedeel van een huus staende t Monikedam op ten Dam ende dese gelden heeft oec die burseri ontfanghen. Item oec soe is daer vercoft een deel van een huusgen in de Sackstege te Monckedam, ende quam ons van Evert die oesterling, ende 6 g.g. eciam bursarii receperunt