1497-10-13 |

G.A. Monnikendam Inv 154 fol 83/Diversorium Galileaconvent

Jaartallenindex

broeder Jan Florisz van Purmereynde, prior van Galilee, belie ende bekenne dat ic ontfanghen heb van broeder Claes Dircsz Blomert, naedat hi was professijt 20 g.g. R gld, welke ghelden voers. ic broeder Jan heb ghegheven den bursiers als broeder Claes Jansz ende broeder Pieter Sijmensz te bewaren tot oirbaer ons convents behoudelic waert dat broeder Claes Dircsz voers. naemals deser ghelden voers behoeftich waer dat men dan souden tot allen tiden van desen voers. ghelden den voirn. broeder Claes sijn behoefticheit minnentlic ende sonder enich corten besorghen. In kennise der waerheyt bezeghelt mit mijn priors zeghel. Ghedaen op St Calixtusavont in tegenwoerdicheyt des supprioers broeder Dirc van Mersen ende des kellenaers broeder Jan Roelofsz int jaer XCVII