1468-03-16 |

R.A.H. Coll Aanw 238 fol 412v/Mem Hof van Holland

Jaartallenindex

compareerde voor den Hove Jan Vredericsz, deurwaerder, ende nadat hij den Hove ostentie gedaen heeft van enen machtbrief van Heynric Satelpoger om quytsceldinge te doen van alsulke arrestatie als dieselve Heynric t anderen tyden heeft doen doen bij brieven van den voirs. Hove an zekere goeden als Cornelis en Jacob Beijerszonen van vordallen seggen ende maintenerende den twee zonen van den voors. Heynric toe te behoren van hoirre moeders erve, te weten Willem ende Anthuenis Zatelpoger, leggende in Zeellant, daer een genomt Mathijs Pietersz van der Vlaecke die handelinge ende administracie aff gehadt heeft, dair aff dat zeker proces geresen is voir den voirs Hove tusschen den voors. Cornelis ende Jacop Beyerszoonen als oomen ende voochden van den voirs. Willem ende Anthuenis Zatelpoger. Welke quytsceldinge ende renunchiacie die voirs. Jan Vredericsz in den name als boven dede tbv den voirs. Willem ende Anthonis Zatelpoger ende anders nyet. Het Hof appoincteert vervolgens dat de arrestatie dood en teniet zal wezen en dat de voors. Mathijs gesommeerd zal zijn om rekening en bewijs te doen van zijn ontfang, ende dat die voirs. oomen die goeden oirbaren zullen tot behoef van den voors. kinderen tot zij aan hun mondige jaren gecomen zijn