1468-10-27 |

R.A.H. Coll Aanw 240 fol 1353/Mem Hof van Holland fol 374

Jaartallenindex

opten dach van huyden soe compareerde voir den Hove van Hollant Beatrys joncker Jans bastaertdochter van Hueckelem ende stelde ut hoeren vrijen moetwille in handen van Jan van Lezanen tot myns genadichs heren behoeff sulcke vier margen lants als sij leggende heeft in die Cromme Kamp in die Hofhoeve, ende dit voir LXXXII Rijnsgulden, t stuck tot XL groten gerekent, ende oick voir soe veel huijshuijers als die voirs. Jan van Lezanen bewijsen sal konnen dat Dirck van Hueckelem mynen voirs. genad. here schuldich is van dat dieselve Dirck zes jaren lang binnen mijns voirs. genadigen heren huijs tot Hueckelem gewoont soude hebben gehadt. Mit condicien dat indien de voirs. Beatrix die voirs. vier morgen lants niet en lost mitten voors. LXXXII R gld ende van den VI jaren huijshuyers voirs. tusschen dit ende Grote Vastenavont naest comende dat dan die voirs. vier mergen lants vrij gecomen ende verstaen sullen wesen an den voirs. Jan van Lesanen tot behoeff van mijn voirs. genad. here

presentibus: Alcmade, Ass[endelft], Halewijn, Mije en Wilde