1469-10-04 |

R.A.H. Coll Aanw 465 fol 26v/Leenregister Brederode oude register fol 13v

Jaartallenindex

Reynolt heer tot Brederode beleent Matheus van Berendrecht een huijsinge ende erve in Marendorp, dat hij van sijn eygenen goet opgedragen heeft, streckende voor van der straet after an die graft, ende voirt dat erve dat leijt an die an [andere ?] sijde van die graft, streckende uter graft an Dirck Bonnen huys ende erve dat staet in St Nyclaesstege. Des behoirt die scheytmuijr die staet tussen Dirck Bonnen erve ende dit voirs. erve Matheus van Berendrecht al heel ende alleen toe. Welck huysinge ende erve voors. belegen hebben an die een side: Jan Claesz en ende mr Willem Claesz de brouwer en Jan Reijbrantsz, mit horen huijsen ende erven ter graft toe, an die ander zide: Dirck Willemsz. behoudelick dat die scheijtmuer staende after Dirck Willemsz huijs ende langes die stege ter graft toe, toebehoirt Matheus voirs alleen, ende an die selve sijde over die graft hebben dat voirs erve belegen: Jacob Brasen, Ysebrant die dreger, Claes van der Horn, Katheryn Joesten wedewi, mr Claes Stevensz, Gillis Jansz, Wouter die leidecker, Lam die Vroede ende Willem Claesz, elcx mit horen huijsen ende erven. Behoudelick dat die scheijtmuer die langes dit voors. erve gaet ende leijt ter graften toe Matheus van Berendrecht voors. al heel ende alleen toebehoort. Te houden tot een onversterfelijk erfleen, te verheergewaden met een paar witte handschoenen. Dit goed mag nimmer van de hofstede van Brederode vervreemd worden

mannen: Jan van Lakervelt, Jan Aertsz, Willem van der Goude