1469 (4) |

Arch Abdij Egmond Vroonboek Vroonlanden bij Limmen fol 43

Jaartallenindex

(vervolg) item Arijs Woutersz van Coedijck als 1 voecht van Brecht Geryt Jacop Droemsdochter heeft Claes Gerytsz in dat boeck geset op voerwaerden te weten dat hij sijn lant vercopen sal binnen dese tijt ende omn. Sanct. int jaer van LXX. Item die 6 gers die Jacop Jan Tetenz gecoft heeft jegens Luijtgen die sijn gemeten voir 6 gers min 23½ roede. Item dat Ysbrant van Jacop gecoft heeft dat is gemeten voir 3 gers 1 zevendeel ende 15½ roeden. Item dat Jan Martijnsz gecoft heeft tegens Jacop dat is 2½ gers en 10 roeden. Item Pieter Jan Teeten staet in dat boeck voir syn suster Baef, behoudelic dat Baven man dat lant vercoepen sal voer omn Sanct int jaer van LXX. Item anno LXIX Barbare is gecomen Jacop Roedinc als een voecht van Claes Dircz die oud[er]ze, ende heeft belieft dat Jan Claes Olislager Claes voirs. hebben ende houden sal om sijn goet gelijcke die voervoerwaerde [!] inhout, ende Geertruyt Aernt Jansz wedu was daer bi myt haer voecht Geryt Pietersz ende scout Claes voirs. quyt ende woude hem nyet houden nae die voerwaerden voirs. ende hier sal Jan Claesz ofgeven. Item Joh. Ev. heeft Lambrecht Gerytsz gehilict an Gerburch Claes Willemsdochter. Item 19 Juni dat was feria 4 (2 ?) voir Sacramenti doe mijn here sijn tienden vercoft tot Heyloe doe overquam Arys Doeget [Doghede] mijt my dat ic Ysbrant Aerntz voir sijn soen Reyner [Reyner zoon van Andries Doghede] in dat boeck setten soude, behoudelic dat Arijs voirs dit Vroenlandt binnen sjaers vercopen soude opten 12e ende sc sg (??) of hij mochte, ende of hij dat nyet vercofte soe soude sijn soen op sijn lant comen metter woen, of dat sel dan gebleven syn an mijn here den abt ende dat coste hem 4 R gld