1472-07-16 |

Reg H. Geest Naaldwijk fol 92/Copie v.d. Marel p 159

Jaartallenindex

testament van die Vrouwe van der Maelstede ende van die vrouwe van Poelgheest. Henric heer tot Naildwijck ende ter Capellen, ridder, erfmairscalck van Hollant, doe condt allen luijden dat ic den H. Gheest te Naildwijck gegeven hebbe ende geve mit desen brief den rechten eygendom van sulke 4½ hont lants als ic gecoft hebbe tegen Jan Arentsz, gelegen in de ambocht van Monster, tusschen die Gantel ende Meriendijck, belegenisse gelijck die brief inhout dair dese brief doirsteken is. Welck lant ic den H. Gheest voirn. gegeven ende bewijst hebbe voir sulke 2£ ende 2sc Holl payments als ic hem jairlix uut mijne goede plach te betalen, te weten van dat testament der vrouwen van der Maelstede 1£, van t testament der vrouwen van Poelgeest heeren Gerijts moeder van Poelgheest 1£, ende 2 sc die Fije Heinric Mensenzoons wedewe besprack op 5 morgen gheest voir upstal. Item die belegenisse zijn dat dese 4½ hont gemeen leggen mit 4 marge lants die voirtyts Witte Claes toe plagen te behoren, ende hebben belegen west: t cloester van Rynsburch, oost: capelrye lant