1472 (6) |
Arch Abdij Egmond Vroonboek Vroonlanden bij Limmen fol 43, 44, 45
Jaartallenindex
(vervolg) anno 72 op ten anderen dach van Januario soe heeft Arys Doeget ghedadinct tegens mijn here van die verboernisse van sijns soens Vroenlant. Item eodem die heeft mijn here Jan Jansz Pieter Janszoens zusterzoen vercoft Vroenlant dat verdwaelt is. Item Conversio Pauli heeft Jan Dircsz die backer t'Alcmer geloeft dat Vroenlant dat hij mit sijn wijf genomen heeft, te vercopen binnen sjaers of op dat lant metterwoen coemen nae inhout der hantvesten, of dat lant verboert te wesen. Conversio Pauli heeft Jan Doeve van der Burchszoen geloeft zijn vroenlant te vercopen binnen sjaers of op dat lant metter woen te comen nae inhout der hantvesten of dat lant verboert te wesen, des soe mach hij sijn wijf beslapen ende trouwen daert hen belieft, solvit die oncost. Item Valentini soe hebben Willem Zoeyersz ende Rem Michielsz een utspraeck gedaen tusschen Huge Claesz ende sijn stiepkinderen etc. Item Bonifacii hebben Jan en Griet Doef v.d. Burchs kinderen geloeft hoer Vroenlant te vercoepen binnen 3 jaren etc. Ende Huge Jansz v.d. Burch staet voer die kinderen in dat boeck. Item Bartholomei heeft Martyn Taemsz, poerter t'Alcmer, geloeft sijn vroenlant te vercoepen binnen sjaers op verboernisse van sijn Vroenlant, ende Huge Aerntsz staet voor hem in dat boeck ende hij mach poerter bliven dit jaer als voors. is. Ende dit Vroen heeft Martijn voirs. behilict met Lysbeth Willem Martynsz wedu. Op St Mathysdach soe sijn tot mij gecomen Dirc Jan Teeten ende sijn broer Jacop ende hebben mij gebeden dat ic in mijn Vroenboeck scriven woude een utspraeck die sij beiden williken gebleven waren an Pieter Jan Teeten, jonge Claes Jan Teeten, zijn broer Jan Reynersz ende Claes comen Jansz, nl in den eersten soe sel Dirc van Jacop hebben voer een somme van penn. die Jacop aan Dirc sculdich is van die coep van Jan Claesz van der Marsck al dat Vroenlant dat daer leit after dat huijs als dat beheynt ende bedolven is. Dirc ontvangt ook 1 want zaedlants bioesten den Lydwech, gelike breet als Griet Mathijs Claesz wedu