1478-12-12 | Noordwijk

G.A. Monnikendam Inv 154 fol 35/Diversorium Galileaconvent

Jaartallenindex

Jan Duker ende Ewout Willem Bertoensz, ghebroeders, hebben vercoft den prior ende kellenaer van den cloester toe Galilea bi Monikedam een husinghe ende hofstede mit schuyr, bachuijs ende gheboemte ende mit al datter op die hofstede aertvast ende naghelvastende oec alle ander goeden die nu ter tijt op die hofstede sijn ende ons toebehoren, hoe die ghenoemt moghen wesen, mit omtrent 21 morghen lants legghende al bi een ander hofstede voers, welcke huysinghe ende landen onse vader Willem Bertoensz saligher ghedachten, ghecoft hadde yeghens Huegh van den Berch. Welke huysinghe ende landen vri ende onbelast syn na inhout der brieven die wij van Huegh van den Bercgh daer of hebben etc. Gheleghen binnen den ambocht van Noortich. Noch bekennen wij ghecoft [lees: vercoft] te hebben denselven prior ende kelnaer een stucke lants legghende an die hofstede voers ende is gheheten Valx camptgen ende is groet omtrent 8 hont ende hadde wijlen onse vader ghecoft yeghens enen gheheten Heynrick van Limmen nae inhout der brieven die wij daerof hebben. Of [lees: op] welck camptgen jaerlics staet 1 Eng nobel erfrenten ende die sullen die broeders daerop houden. Ende die broeders sullen ons van dit voers. guet ende erf gheven 1120 pont, t pont gherekent voer 15st

ondertekend: Jan Duijker Willem Bertoensz, Ewout Willem Bertoensz