1481-12-24 |

G.A. Monnikendam Inv 154 fol 78/Diversorium Galileaconvent

Jaartallenindex

wij Aernt heer van Zevenberghen tot Nucop ende tot Noerde, baeliu van Amsterlant, Waterlant ende van Zeevanc, bekennen mit desen onsen brieve, dat wij vercoft hebben Pieter Jansz, wonende tot Monikendam tot behoef Claes Hilbrantsz kinderen alsulcken goet, erve ende have, roerende ende onroerende, hoedanich dat si wesen moghen ende binnen onse baeluwescip voers. gheleghen sijn ende ons van onsen ghenadige Here weghen aenghecomen ende verboert waren van die dootslach die Claes Hilbrantsz voers. ghedaen heeft an enen priester van Monikedam, die gheheten is heer Jacop Proeijs. Van welken goeden wij ontfangen hebben den lesten penning metten eersten ende scelden daerof quijt Pieter Jansz voers. tot behoef van Claes Hilbrantsz kinderen voers. ende allen dieghenen die daer quytsceldinghe of behoeven, behoudelicke ons actie op Claes Hilbrantsz voers. in sine persone ende niet op sijn ghoet. Bezegeld met onse cleijne zeghel. Opschrift: een brief van Claes Meijnsz dootslach