1375-01-29 | Leiderdorp

Cartul Carth Raamsdonk anno 1518 fol 64v/Carthuizers St Geerdenberg

Jaartallenindex

den brief van 8 ½ morgen in Gheryt Screvelsweer. Ick Gheryt Screvel doe cond dat ick vercoft hebbe Vrancken Diedwarenz 8 ½ morgen land binnen den ambacht van Leiderdorp, an die oostzijde: ick, Gheryt Screvel voirs, an die westzyde: Vrancke Diedwarenz voors, uten Ryn opgaende aen den Afterdyk. Waer dat sake dat Vrancke voirs. enige commer of scade in eniger manieren lede van desen lande voorn, dat soude hem Vranc verhalen en versien an dat lant dat ick Gheryt voors. ghecoft hebben tegens myne Vrouwe van der Made ende heren Philips van Pollanen horen rechten voogd, tot een vry eigen ende gelegen is binnen den ambacht van Voirscoten, en Jan uten Werde Mourynsz te leen helt van mynre Vrouwe voirs. ende ick Gheryt van Jan voirs. helt te leen. Bezegeld met myn zegel, anno 1375, s Maendachs na St Pauwelsdach Conversio (vgl 1371-11-23, 1376-02-05)