1382-10-24 | Monsterkerk

Cartul Carth Raamsdonk anno 1518 fol 89v/Carthuizers St Geerdenberg

Jaartallenindex

ick Jan van Wyfliet, knaep, doen kond dat ick gegeven hebbe ende gheve den Sartroysen die wonen bij St Gheerdenberge in rechten testamente voer mij ende voer dieghenen daer ick s voer begeer dat sij hoer knapen, haer wagens, haer paerden ende haer goet over sullen voeren alsoe dicke als sijs te doen hebben en doen overvoren met onsen scepen sonder gelt off proven te geven tot onsen veer te Vyfliet. Ende of ick t verhuerde of myn nacomelingen, so zoude wyse over doen varen in diere manieren off wyt selve waren, dat is te verstaen van half den veer, want die één helft mijn niet en is. Door my bezegeld, en ick heb gebeden Willem van Weyndelnesse, daer ic dit veer of houdende byn, dat hij zijn zegel an desen brief hange, dat ick Willem voirs. gedaen hebbe om bede wille Jans van Vyffliet, myns mans. Gegeven 1382 des Vridages na 11000 magheden dach