1458-03-07 | Steloe tot Oesterhout

Cartul Carth Raamsdonk anno 1518 fol 126v/Carthuizers St Geerdenberg

Jaartallenindex

cond ende kenlijc zy allen luden dat ic Jouffrou Willem Bonten machtich gemaect hebbe etc Arnt van Toloysen, minen neven van mynen wegen ende in mynen name te verlenen den prior en convent der Sartroysen bij St Geertrudenberg in Holland drie bunderen lants gelegen tot Steloe, die zij van Arnt Haghens erfgenamen vercregen hebbende, ende noch 1½ bunder lants dair an gelegen, hem te medepant gesat voor 8 R gld erftyns daer die voors. 3 bundere voer utgegeven waren, jaerlyks en erfelyc mer nu met richt opghewonnen zijn voer den chyns voirg. Welke 4½ bunderen lants men van mij placht te leen te houden. Ende believen noch meer om Goids wille dat dese verleninge geschieden Sartroysen voirg. voir ende in tegenwoordicheijt mynre mannen van lenen, ende oft den Zartroysen oirberlijc dunckt ende het hem dienen mach, soe maecke ick noch mynen lieven neven Arnt van Toyloijsen voirs. machtich dit leenrecht dat ik en mijn nacomelingen enichsyns an den lande voirs. hebben of krijgen moghen, quyt te schelden voir myne mannen van leene voirg. Ende ick schelde zij daervan quyt tot ewigen daghe voor my en voir mynen erve in rechten testament. In oirkonde bezegeld met mynen zegel anno 1458 7 dagen in de Maand Maart (vgl 1459-02-08, 1431-05-19)