1479 |

Reg H. Geest Naaldwijk/Copie v.d. Marel p 50

Jaartallenindex

schout ende gemene gesworen tot Naeldwijck oorkonden dat Aernout Willemsz mit allen recht begonnen ende voert gevaren is ende hevet ene margen lants verdreven ende gescout, die gelegen, bepaelt ende belegen is als desen doergestekenen brieff inhout. Welke morgen Geryt Herperz gecoft hadde tegen Arlewijn Vranckenz sonder zijn kerckbode te geven. Aldus heeft Gerijt voers. aengezien dat hij dese voers. morgen lants rechtelyk niet en heeft mogen behouden ende heeft deze coop van den voors. morgen ingebracht ende overgegeven tot behoef Aernouts voersz. voer der vierscaer tot Naeldwijck in al der manieren ende voorwaerden als hij de voors. margen gecoft hadde. In kennisse der waerheyt hebbe ick Geryt die Burchgraef als scout tot Naeldwyck desen brief bezegelt met mijnen zegel. Ende omdat wij gesworen selve genen zegel en gebruycken soe hebben wij samentlijcks gebeden den eerbaren mr Baudewyn pastoer tot Naeldwijck, dat hij desen brief over ons besegelt hevet met synen segel. Gedaen in tjaer ons Heren 1479 (vgl 1476-03-21, 1478-12-10, 1485-03-22)