1348-06-23 |

A.R.A. Leenkamer 47 fol 52 no 373a/Reg in Beijeren v. R. no 25

Haarlem Algemeen

hertog Willem oorkondt: dat Willem Costijnsz ons een bestant ghegheven heeft voir hem, sinen maghen ende helpers, tot onser trouwer luden behoef, scout, scepenen, Raet ende ghemene port van Haerlem ende hueren hulperen, tot Sente Jacobsdaghe naest comende, ende dien dat dach, al sonder arghelist, utgheset Symoen van Saenden ende Claus Varincrijc ende hueren maghen, ende die te bliven in alzulken vrede als daerof ghemaect is of ghemaect wort. Ende hier bi so en zullen Willem Costynsz ende sijn broeder Dirric dit bestant ghedurende, binnen onser port van Haerlem niet comen om onraet te scutten die daer of comen mochte. Welc bestant in allen manieren als voorscr. sonder argelist. In orconde etc ghegheven in den Haghe op St Jansavond middezomers anno 1348