1484-02-03 |

G.A. Monnikendam Inv 154 fol 69/Diversorium Galileaconvent Monnikendam

Jaartallenindex

van onse lekebroeders. Broeder Albert Jansz van Monikedam. Dese goede broeder was professyt in der derder oerden van Sinte Franciscus ende was een enichvoudich broeder, langhe tijt totter doot toe bewaerde dat naijen ambocht ende oec die reventer van die leken. Ende was in sinen leve een devoot broertgen. Ende is ghesturven int jaer ons Heren 1484 ende had hier ghewoent 43 jaer ende sterf des daghes na O.Vr. Lichtmisse

1494-06-01 |

G.A. Monnikendam Inv 154 fol 56v/Diversorium Galileaconvent Monnikendam

Jaartallenindex

wij susteren van Sinte Clarenconvent van der derder oerden van penitencien gheleghen binnen Amsterdam in die Nesse, kennen ontfanghen te hebben van den broederen van Galileen XX Rinsche gulden van een stucke lants dat hemluden vercoft heeft broeder Symen Gherijtsz van Overleeck ende wij hen daerof van Dieuwer Jacopsdochter, sijnre nichten, weghen voldaen ende wel betaelt te wesen. In kennisse der waerheyt soe hebben wij susteren onse convents signet hier benden opghedruct

1500~ |

G.A. Monnikendam Inv 154 fol 69/Diversorium Galileaconvent Monnikendam

Jaartallenindex

Van onse lekebroeders. Broeder Jan Lambertsz van Suderwoud. Dese goeder broeder was professyt in der derder oerde van St Franciscus, ende was een trouwe broeder voer die priesters hem een boetscap te doen een boeck te lienen of wat anders. Ende hi had sijn oud erf hier ghegheven als daer of is een instrument. Ende hi was langhe tijt gastmeester. Ende hi si ghesturven int jaer ons Heren MCCCC [dat jaartal kan niet juist zijn, moet zijn eind 15e eeuw]

1473-03-14 |

G.A. Monnikendam Inv 154 fol 69v/Diversorium Galileaconvent

Jaartallenindex

opten 3e dach nae St Gregoriusdach [12 maart]. Van onse lekebroeders: broder Marten Pietersz van Suderwoud. Dese broder was professyt in der derder oerden, ende hi was in sijn tien een wever, mer hi was langhe tijt in groter siecten, ende maecte onse convent bij sijn levende lijf 50 gld current, welck diet convent ontfinc, ende is ghesturven int jaer ons Heren 1473 op ten derden dach nae St Gregoriusdach, nae dien dat hi bi ons ghewoent had 26 jaer

1493-03-25 |

G.A. Monnikendam Inv 154 fol 69v/Diversorium Galileaconvent Monnikendam

Jaartallenindex

Van onse lekebroeders: broeder Claes Willemsz van Crommenie. Dese broeder was profesijt in der derder oerde, ende was trou den convent ende neerstich in syn arbeit, want hi was menich jaer kock ende backer ende brouwer in welke intensie hi onse convent een profytlick man was, ende in sijn outheit was hi menich jaer portier, ende was zeer minlic ende hulpelic den armen. Ende hi is ghesturven int jaer ons Heren 1493 op OLVr Boetscapsdach, naedien dat hi bi ons ghewoent hadde 52 jaer

1497 |

G.A. Monnikendam Inv 154 fol 69/Diversorium Galileaconvent

Jaartallenindex

van onse lekebroeders: broeder Jacob Claesz van Gisp. Dese broeder was professyt in der derder oerden, ende was een trouwe broeder, neerstich in sijn arbeijde, ende hi was menich jaer die sorch van die koeijen ende oec van die koeken in welke hi alsoe langhe als hi mocht was neerstelic arbeydende. Ende hi maect dat convent tot een testament bi 100 gld current ghelt an een stucken lant te Gisp legghende. Ende hi is ghesturven int jaer ons Heren 1497 nae dien dat hi hier ghewoent had 45 jaer

1473-10-19 |

G.A. Monnikendam Inv 154 fol 69v/Diversorium Galileaconvent

Jaartallenindex

des daechs na St Lucas Evangelist. Van onse lekebroeders: broder Bouwen Reijersz van Amsterdam. Dese goede broeder was oec mede professyt in der derder oirde. Ende onse convent hadde een summe van penninghen van dese broeder, want hi niet stercke van complexie en was, ende mochte alsoe groet arbeit niet doen als ander broeders, ende hij was minlick in sijn omganc. Ende hi is gesturven in t jaer ons Heren 1473 des daechs na St Lucas Evengelist, nae dien dach dat hi bi ons ghewoent had 15 jaer

1385-05-03 |

Arch Zijlklooster Haarlem Cartul fol 118/B.B.H. XVI nr 4 (met potlood in ander handschrift

Haarlem Algemeen

scepenen in Hairlem oorkonden dat Griete Aernt Willamzoensdochter met haar momber Warmout Claesz verkocht heeft ten vrijen eygen den susteren van der derder oirden woenende in Hairlem in die Zijlstrate, 10 sc Holl sjaers, zonder wairdeheerscap, op Florens Honen [er staat: Hoven] huis en erf, dat Dirck Buckincx plach te wesen, gelegen op 't Cleyn Heylige Lant twisschen Dirc Hermansz an die een zijde, ende Martijn Gherijtsz an d'ander zijde, afterwaerts streckende an Martijn voirs

Willem Jansz, Jan Jan Copper Janszoon en Huge van Riedwijc, schepenen

1454-05-25 |

Bijdr Bisdom Haarlem dl 16 p 428 no 1/R.A. Utrecht Arch Clerezy Afd Haarlem no 54 p 32/Arch Clarissenklooster Haarlem

Haarlem Algemeen

Dirick van Wassenaer, bij der gratien Godts prothonnotarius des stoels van Romen, proost van St Jan te Utrecht, en pastoor van de kerk van Haarlem, oorkondt dat hij an de susteren van St Claren van der derder oorde St Franciscus, wonende achter dat oude gasthuys binnen onser curen van Haerlem heeft geconsenteerd dat sij hebben sullen binnen haeren convent een kerck ende kerckhof metten sacramenten die hun van noode sij voor hareen susteren ende biechtvadere etc

1497-03-10 |

G.A. Monnikendam Inv 154 fol 69v/Diversorium Galileaconvent

Jaartallenindex

van onse lekebroeders: broeder Jan Claesz van Udersem. Dese goede broeder was oec mede professyt in der derder oerde, ende was in syn tyden neerstich ende sachwoudich in syn arbeit, want hi plach te melcken ende te vischen. Ende maecte onse convent twie stucke lants valore 3½ gld sjaers, mer sijn erfnamen nae sijn doot sprakent an ende wi dancten God dat wi hebben dat een stuctgen 1½ gld jaerlics mit 6 st ende noch hadden wij van t ander lant .... . Ende hi lach menich jaer in syn bedde eer hi sterf. Ende hi is ghesturven int jaer ons Heren 1497 daghes voer St Gregoriusavont. Ende hi hadde bi ons ghewoent 40 jaer