1325-10-08 |

A.R.A. Copie Leenkamer no 27 fol 49/L.R. 11 fol 15

Jaartallenindex

graaf Willem oorkondt: heren Dierick van Outshorne, onsen bailju van Medenblic saluyt ende onsen goide jonste! Wi doen u te weten, dat dit onse segghen es van dien van Scaderdam, dat wij ghestade houden die zeventuich dien op ghedaen is ende seggen dat te beteren Ebele Pietersz ende Gherbrand Ballingh van Groot Oesthusen, daer t op ghetughet es met all den lande dat leget binnen den ban buyten den dycken van Groet Oesthusen, ende in den tuijch wanwerkich es. Ende ombieden u dat ghij diegheene die wanwerkich syn, dat ghelt dairoff doit betalen, ende offpandt, alsoo dats hem Ebelen ende Gherbrand met reden niet en hebben te becroonen. Ende des en laet niet, alse lieff als ghy ons hept