1497-08-12 |

G.A. Amsterdam Cartul Reg St Jan Amsterdam fol 106

Jaartallenindex

broder Matheus Jacopsz ende broder Peter Crommeny, procurator ende 't gemeen convent der Can. Reg. van Willebrordscloester buten Alcmair, an die een zyde, ende die Can. Reg. buten Amsterdam an die ander zijde. Wy doen condt dat wij an beyden sijden voirs. myt malcander overgedraegen sijn ende gegrondeelt ende gesceyden hebben een stucke lants gelegen in Bergermeer geheten Tymans Busch, dat wij myt malcander menich jair gehadt hebben, ende dese grondelinge is geschiet bij 4 goede mannen, als dat die Reg. buten Amsterdam sullen hebben ende behouden tot ewygen dagen voir hoir helft van dit lant voirs. an die zuutsyde streckende van 't suuteynde van die Meer tot an die Sceytsloet toe, myt dat ryelant aen die oestzyde daer an also veer alst gesceyden is. Ende die Reguliers van Heylo buten Alcmaer sullen hebben ende behouden ten ewigen dagen voir hoir helfte van dit lant voirgenoemt an die noortsyde streckende van die sceytsloot noordward op tot an die lantsceyden toe myt dat ryetlant an die oestsyde toe also veer alst hoir toegesceyden is (zie ook 1497-07-25)