1471-09-14 |

Reg H. Geest Naaldwijk fol 93/Copie v.d. Marel p 161 (16 ?)

Jaartallenindex

wij scepenen van Honselredijck oirconden mit desen letteren, dat voir ons gecomen zijn Jan Jansz, [N]atellije Jansdochter mit hoir gecosen voicht, ende Fije Cornelis Willemsz wedewij mit hoire voicht, ende verlyede voor ons hoe dat zij wittelijc ende waerlijck vercoft hebben zamender hant een voor al Gerrit Pietersz ende Jan Gerritsz als voichden van Harper Pietersz weeskinderen tot behoef der kinderen voirs. 5 hont lants leggende binnen den ambacht van Monster. Ende van dese voirs. 5 hont lants zijn daerof gelegen 3½ hont lants ghemengheder aerde ende ghemengheder voere mit Pieter Gerritsz, Jan Arentsz, Gerrit Harperz ende Pieter Jansz. Ende heeft beleghen oost: der cappelrien lant van Reynsburch, west: der cappelrien lant van Lauijsduynen, noord: die Gantel, zuid: die Merijendijck. Die ander 1½ hont lants zijn gelegen ghemengeder aerden ende voer mit der abdissen lant van Reynsburch. Belend aan beide zijden: der abdissen lant voirs, op t een eynde: die Merijendijck, opt ander eynde: die cleyne Gantel (vgl 1479-05-18)