15 resultaten
1474 |
G.A. Monnikendam Inv 154 fol 68v/Diversorium Galileaconvent
Jaartallenindex
van onse lekebroeders: broeder Aernt Stevensz van Leyden. Dese goede broeder was al sijn leven dat hi bi ons ghewoent heeft een enichvoudich manne, hi dede sijn hantwerck neerstelic want hi was een wever toe hi hier quam. Ende hi had langhe tijt een grote siecte ende passie in sijn bienen. Ende hi toech te Leijden te meesteren, ende hi creeck een grote siecte waeran dat hi te Leijen ghesturven is ende te Wermont in onse cloester begraven int jaer ons Heren 1474. Ende hi had hier ghewoent 28 jaren
1477-08-03 |
G.A. Monnikendam Inv 154 fol 69/Diversorium Galileaconvent
Jaartallenindex
van onse lekebroeders: broeder Pieter Louwerisz van Graft. Dese goede broeder was professijt in der derde oerde van Franciscus, ende was een arbeitsman in dit huus van sliken, van koeijen, ende van ander veel arbeits. Ende hi is ghesturven int jaer ons Heren 1477 op St Stevensvindinghesdach, ende hi had hier ghewoent 25 jaer
1483-08-16 |
G.A. Monnikendam Inv 154 fol 68v/Diversorium Galileaconvent Monnikendam
Jaartallenindex
van onse lekebroeders. Broeder Jacob Jansz van Graft. Dese goede broeder was een sterc arbeitsman in sijn joncheit, maijen, viscken, hacken, ende ander veel arbeijden die hi neersteliken ghedaen heeft totdat hi een oud man was. Ende hi is ghesturven int jaer ons Heren 14883 (!) sdaechs na OLVr ontfangenis. Ende hi had hier ghewoent 54 jaer
1478-01-06 |
G.A. Monnikendam Inv 154 fol 69/Diversorium Galileaconvent
Jaartallenindex
van onse lekebroeders: broeder Gheryt Claesz van Neerden. Dese goede broeder was professyt in die derde oerde van St Franciscus, ende hadde kunste weven bettict ende alle andere lakenen, ende hadde langhe tijt sorghe vant weven, ende was portier. Ende is ghesturven int jaer ons Heren LXXVIII op Dertiendach savents ende hi had hier ghewoent 29 jaer
1484-02-03 |
G.A. Monnikendam Inv 154 fol 69/Diversorium Galileaconvent Monnikendam
Jaartallenindex
van onse lekebroeders. Broeder Albert Jansz van Monikedam. Dese goede broeder was professyt in der derder oerden van Sinte Franciscus ende was een enichvoudich broeder, langhe tijt totter doot toe bewaerde dat naijen ambocht ende oec die reventer van die leken. Ende was in sinen leve een devoot broertgen. Ende is ghesturven int jaer ons Heren 1484 ende had hier ghewoent 43 jaer ende sterf des daghes na O.Vr. Lichtmisse
1473-03-14 |
G.A. Monnikendam Inv 154 fol 69v/Diversorium Galileaconvent
Jaartallenindex
opten 3e dach nae St Gregoriusdach [12 maart]. Van onse lekebroeders: broder Marten Pietersz van Suderwoud. Dese broder was professyt in der derder oerden, ende hi was in sijn tien een wever, mer hi was langhe tijt in groter siecten, ende maecte onse convent bij sijn levende lijf 50 gld current, welck diet convent ontfinc, ende is ghesturven int jaer ons Heren 1473 op ten derden dach nae St Gregoriusdach, nae dien dat hi bi ons ghewoent had 26 jaer
1493-03-25 |
G.A. Monnikendam Inv 154 fol 69v/Diversorium Galileaconvent Monnikendam
Jaartallenindex
Van onse lekebroeders: broeder Claes Willemsz van Crommenie. Dese broeder was profesijt in der derder oerde, ende was trou den convent ende neerstich in syn arbeit, want hi was menich jaer kock ende backer ende brouwer in welke intensie hi onse convent een profytlick man was, ende in sijn outheit was hi menich jaer portier, ende was zeer minlic ende hulpelic den armen. Ende hi is ghesturven int jaer ons Heren 1493 op OLVr Boetscapsdach, naedien dat hi bi ons ghewoent hadde 52 jaer
1485-05-28 |
G.A. Monnikendam Inv 154 fol 69/Diversorium Galileaconvent Monnikendam
Jaartallenindex
van onze lekebroeders: broeder Claes Jansz van Koedijck. Dese goede broeder brocht hier int convent syn ouders erve dat al wat merclic was, ende hi was nae sijn vermoghen alle tijt een neerstich ende een trouwe broeder voer dat convent, ende hi was langhe tijt sieckemeester oec in der pestilencie dede hi die sicke broeder besceijte. Ende hi was langhe tijt molckemeester ende oec poertier tot sijn outheit. Ende hi is ghesturven anno 1485 nae dien dat hi hier ghewoent had 51 jaer, opten 28e dach in May
1497 |
G.A. Monnikendam Inv 154 fol 69/Diversorium Galileaconvent
Jaartallenindex
van onse lekebroeders: broeder Jacob Claesz van Gisp. Dese broeder was professyt in der derder oerden, ende was een trouwe broeder, neerstich in sijn arbeijde, ende hi was menich jaer die sorch van die koeijen ende oec van die koeken in welke hi alsoe langhe als hi mocht was neerstelic arbeydende. Ende hi maect dat convent tot een testament bi 100 gld current ghelt an een stucken lant te Gisp legghende. Ende hi is ghesturven int jaer ons Heren 1497 nae dien dat hi hier ghewoent had 45 jaer
1473-10-19 |
G.A. Monnikendam Inv 154 fol 69v/Diversorium Galileaconvent
Jaartallenindex
des daechs na St Lucas Evangelist. Van onse lekebroeders: broder Bouwen Reijersz van Amsterdam. Dese goede broeder was oec mede professyt in der derder oirde. Ende onse convent hadde een summe van penninghen van dese broeder, want hi niet stercke van complexie en was, ende mochte alsoe groet arbeit niet doen als ander broeders, ende hij was minlick in sijn omganc. Ende hi is gesturven in t jaer ons Heren 1473 des daechs na St Lucas Evengelist, nae dien dach dat hi bi ons ghewoent had 15 jaer