1467-1575 (6) |

A.R.A. Familieregister van Spaernwoude (voorlopig) Charterdoos Fack VII van het Familiearchief Heereman van Zuydtwijck

Haarlem Algemeen

(vervolg) int jaer 1500 op Sente [?] ende Modestusdach starf Evert int H. Geesthuis binnen Haerlem, ende is begraven Sinte Marien bij Sinte Janspoert (4 Nov.); (fol 14) int jaer ons Heren 1501 starf joncfr Machtelt van Poelenburch Florys weduwe van Arichem, onse moije, op St Pancrasdag tussen elve nen twaelven te Middach, requiescant in pace; in 1504 starf Henric van Spaerwoude, mijn broeder, op St Pouwelsdach Conversio des morgens te 4 uren, en starf Dirc Adriaensz van Poelenburch op S. Tuburciiavont, des Donredages na St Lambert starf Alijt Dircxdochter die maecht van onse moije van der Dues; (fol 14v) int jaer ons Heren 1432 opten tsheren Hemelvaertsdach omtrent Vespertijt ben ic geboren Ysbrant van Spaerwoude; in 1459 des dages na St Gregorius so is Haze van Poelenburch, mijn wijf, geboren. Item soe hebben wij malcander getrouwet int jaer ons Heren 1488 opten 5e dach in Julio, 1489 op St Dionisiusdach ende was op een Vridach des avonts omtrent drie uren doe wan mijn wijf een zoen die zijn naem Geryt is, ende sijn gevaderen zijn geweest heer Willem van Spaerwoude, mijn broeder, mr Jacob Boudynsz ende Joncf. Heijlwijf van Alcmade. Ende in t jaer 1494 op den 15e dach in April is hij gevormt ende mr Ysbrant heeftem voir den bissc. [?] op gebracht ende den doec gebonden ende Griet mijn dochter mede optenselven; (fol 15) int jaer 1495 opten 13 dach in Junio dat was opten beloken Pincxter avont des morgen twisken drie en vier uren soe wan myn wijf een dochter ende is geheten Claer. Hoir gevaders waren Jan van Freest, die vrou van Leijenburch ende mijn nicht Jacops wijf van Dorp. Int jaer 1496 op St Bertelmeusdach na middach te 2 uren soe wan myn wijf een zoen ende is geheten Adriaen. Syn gevaders waren die commanduer van St Jan, Dirc van Almonde, scout van Haerlem ende mijn nicht Jan die basterts wijf van Brederoe; (fol 15v) ende int jaer 1503 opten Vrydag na St Marcus soe sijn Claer ende Adriaen ghevormt, die pater Claren gevaer [= gevader] ende Adriaen: die vrouwe van Roen