1469-03-14 |

Cartul St Jan Haarlem no 848

Jaartallenindex

int jaer 69 den 14e dach in Marcio was gheraemt een dachvaert in den Briele, van den testamente mr Jan Brants zine erfname Jan Mathysz, ende hadden ghescreven dair te comen allen denghenen die in ghebreke mochten wesen, welke clachten die testamentoren als mr Aernt van den Woude van mijns joncheren wege van Wassenare, Claes Grijp, mr Dirc Hey ende Jan Michielsz, ende hebbense ghehoert ende een utsprake bij consent van beyden pertyen voorn. ghedaen van allen achterwesen van leengoen ende anders te hulike ghegheven etcetera als nair volcht, dat Gheertruyt voorn. houden sal ten eeuwighen daghe voer haer ende haer erve die silveren scale, cop en sess silveren lepelen, die welke Jan Mathijsz voorn. na Geertruyts doot van wegen Claes Mathijsz sinen broeder half gedeelt soude hebben. Hier mede guede vrienden ende alle saeken vereffent tusschen hem beyden tot huden toe. Hier bij ende over hebben gheweest als tughen Heer Jacop Symonsz, Jacop Dircsz ende Claes Wolfaerts. Ende die pertien voirn. hebben ghelooft dese utsprake der testamentoren in ende van waerde te houden Ita est Wilhelmus Wouteri quod premissa notarius publicus (vgl 1477-06-18, 1447-07-11, 1448-06-14)