1500~ (3) |

G.A. Monnikendam Inv 154 fol 88-93v/Diversorium Galileaconvent

Jaartallenindex

Item Van Koelkeweers Uterdijck et Ceteris. Gaende voert nae den Nuwendam 4 of 5 roden van die ofrel of driespronc daer men gaen op die Purmerdyck, daer heb wij legghen 6 voet dycks van Koelkes uterdyck. Ende onse avenant van mollersdyccamps uterdijck ende Dirc Florijsz uterdijck, tsamen 6 voet, want een yghelic deympt heeft hier 4 voet dijcks, want dese uterdycken en syn niet of sletich als die rietlanden ghemeenlic sijn, want alle offsletinghe landen buten der Purmerdyck het si rietlant of neslant, dat heeft op die Nyedam 5 voet dycks. Ende alle lande die niet sij ofsletich als Koelkeweers uterdyck etc, die hebben op die Nuwedam 4 voet dijcks dat deympt. Item gaende voert noortwaard op, daer hebben wij legghen after spue after t huus 12 voet dycks van onse drie landen voer t huus gheleghen an een vant riet lants, ende daer noortwart 2 voet dycs van Joest Jansz lantgen. Ende voert noortwardt daeran noch legghen 6 voet dycks van Hilgont Aems uterdijck. Aldus hebben wi hier an een legghen 20 voet dycks ende an beyde zijden oest ende west van die dyck beneden bepaelt mit twie palen

1500~ (8) |

G.A. Monnikendam Inv 154 fol 88-93v/Diversorium Galileaconvent

Jaartallenindex

(vervolg) Item daer van westwart op LXVI voet daer of beghint Jan Vertijnis lant IX verndel lants sijn goeghe daer een pael staet ende is die goeg tot die pael daer naest, ende suijdwert te sien op Broker mollen. Item van dat lant ghehieten die Kamer 2½ deympt ende een verndel ende beghint ant westerijnd neffen die bocht noertwert van die goeg neffen dat westereijndt van dat swarte lant recht neffen die sloet vant voers. lant, ende daer leit neffen an die zuijtzijde van die goeg een lant gheheten nu ter tijt die Capelrie ende is dat anderde lant van die vijfte cromme van Monikedamme an die zuytsijde. Item men sal weten dat alle landen die legghen an weren lants daer selmen of bewaren dijck ende goeg ende sloten verbi gracia alle die landen die legghen van Monikedam tot Wilsloet gaende op die Purmerdijck daer sel men of maken dijck ende sloten. Item die goeg diemen maken van Monikedam streckende tot die Zijl van die Leeck die leghen is oestwart van cleijn overleeck daer maect een yghelic sijn goeg ende niet die sloten. Want dese landen van dese goeg die legghen an die Purmerdijck streckende an die goeghe moeten maken die dijck ende sloten een nijeghelic neffen sijn weer. Ende alle die landen die legghen van die Zijl van die Leeck tot die Brecke die legghet westwart van groet overleeck neffen Wilsloet die maken goeg dyck ende sloten an die goeg ende dyck

1500~ (13) |

G.A. Monnikendam Inv 154 fol 88-93v/Diversorium Galileaconvent

Jaartallenindex

Van Gherijt Paeuwen Landen T Udam Haer Dijck: Item van Gherijt Paeuwen lant t Udam van Wouter Poijs huijs te Beijsloet dat is dat anderde huus van t sluus LVIII voet ghemeten nae Udam wert daer heb wi legghen XVIII voet, oestwart van ons leit Garbrant Kaijn (Kaiju ?), westwart Claes Verlaen (Dese XVIII voeten sijn behuijst). Item van dat selfde lant hebben wi noch XII voet ende leggen CLVIII voet ghemeten Udam wert an Van Wilde Brantges huus of ghemeten ende is dat vierde huus van die sluus toe Beijsloet, ende oestwart van onse dijck is ghelant Jan die Groet, ende westwart Jaep Berinc van Suijderwoud. Item van datselfde lant heb wy noch 7 voet legghende after Jan Oskis huus te Udam ver voet van sijn middelscot van sijn huus vant after huus. Ende daer sijn leden of Scipper Heijn ende Jan Boen. Item van dit lant daer heb wij noch legghen damwerck of oken van die drie deympt een voet als ons gheseit heeft een goet man van Suyderwoud, gehieten Claes van Woud, ende Gherijt Paeuwen lant is 5 deympt lants ende heeft aldaer 2 voet dycks. Item dit lant heeft noch 7 voet dycks als ons gheseit heeft een goet man van Suijderwoud ghenoemt Jaep Berdis, ende Jan die Wael haddet hem gheseit, ende legghen als men gaet van die naeste crom suijdwart van Udem westwart op neffen die riep te sien, ende legghen bi een rielant gheheten dat werfgen binnen dijck

1550 (23) |

G.A.H. Inv I no 1633/Cartul H Geest Haarlem

Jaartallenindex

drie cortecampen die ghecomen sijn van Gheertruijt Pieter Jansz weduwe, als het blijct int register van den jare 1454 end plach te legghen voor 3 stucken lants ende elxs bijsonder ghenaemt als Astgen Wilkenven, Volckenven, ende Grote Baertsven [Crommenie] (fol 87)

1500~ (12) |

G.A. Monnikendam Inv 154 fol 88-93v/Diversorium Galileaconvent

Jaartallenindex

(vervolg) Item Claes Gherijtsz goegcamp dat is dat anderde weer dat leit van dat weer dat leit neffen die driespronck daermen gaet nae Gabrielen breg of te Broeck ende het is 3 deympt lants dat deympt XVIII voet ende wi tasten die goeg an westwart. Item omtrint halfweghen van die driespronck van die goeg ende Gabrielenbreg daer hebben wi legghen .. [niet ingevuld] voet goegs van Volkenthem. Ende wij hebben noch van Volkenthem 8 voet an Gabrielenbreg want een yghelic deympt heeft twie voet, tsamen 8 voet. Ende onse 8 voet die legghen ant noerteynde van die brugghe. Want mr Willem Arijsz erfnamen die hebben 8 voet ant uterste eynde van die bregghe ant noerte ende hebben si van VrouwenVen. Ende wij hebben an dese 8 voet suydwert daer hebben wi legghen oec mede 8 voet van Volkenthem. Ende an ons suydwert daer comt an Gheryt Outgersz van Monikedam ende Jaep Jannekis erfnamen van waterganc. Item gaen nae Groet OVerleeck twisken Hilbrantshuus ende Jan Coppisz huus als ghi staet recht mits tuschen neffen die sloet westwart op onse goeg tot die naeste sloet van Willems dyccamp of Wilshoern ende is IX verndel lants. Item van Jan Reijmetz Brechout of westwart op XLIV voet goegs van t Breetweer dat wij hebben ghemeen mit Jan die Waelen kinder ut welke lant ons toebehoert 1½ deympt ende een verndel (in margine: ons XXII voet goeds). Item gaende westwaert nae Wilsloterbreg dat seste ofte sevende weer dat strect op Jan die Walen huus oestwart weer omgaende daer heb wij legghen een goegcamp an die goeg daer hoert ons toe die goeg te maken ende die sloet scoen te maken. Mer die dijccamp die in datselfde weer leit die moet die dycsloet scoen maken. ende dit lant is ghehieten Nanckenlant

1495-03-29 |

G.A. Amsterdam Inv B.W. no 574c regest 584

Jaartallenindex

schepenen in Diemen oorkonden dat Jan Claesz verkocht heeft aan Lutghert Tyman Heynez wijf alsullic lant als Jan Claes voirsz heeft legghen in die Del ende in die vieu Doertgaerde lant, daer Claes Brunync Nyesen nu ter tijt op woent, aldernaest bij ghelant siin zuid: Jaten lant, noord: Jan Ghebbezoens zaet

Jacop Willemsz en Harmen Willemsz, schepenen

1509-06-02 | Heemskerk

Inv Arch Abdij Egmond no 862 (362 ?)

Jaartallenindex

Jan Claesz, schout van Heemskerk, oorkondt dat Aerian Symonsz wuijte Haghe erkende verkocht te hebben aan heer Henrick, abt van Egmond, een stuck lands aldaar geheten die Hoirgheers, dair den abt voirs in heeft legghen twee gheers, belend nu ter tijd noord: die Reguliers van Amsterdam, zuid: de Breedweer, west: Koeven, oost: die Maedwech. Transfix dd 1509-08-20

1500~ (4) |

G.A. Monnikendam Inv 154 fol 88-93v/Diversorium Galileaconvent

Jaartallenindex

Item Van Gheryt Paeuwen Twie Stucken Lants: Voort gaende duer die Nuwedam ende comende op die ofrel of driespronck daer men gaen te Edam, daer legghen twie stucken lants die wij ghehadt hebben van Gheryt Paeuwen ende sijn 8 deijmt lants, ende legghen after Heijn Pietersz lant, en soe hebben wij die hoghe dyck twie voet of drie van die westerhorn oestwart op tot dat mids van die slote van t voers. lant. Ende sijn tsamen 16 rood dycks, een rood is 14 voeten. Item noch van datselfde lant noch 2 rood dycks op die Crom in Katham voerbi Jan Haghes ende Heijn Pietersz is onse lenden. Item noch datselfde land twie rood dycks herwert gaende nae Katwouder sluus ende Heijn Pietersz is onse lenden ende dese dyck is mit twie palen ghemerct. Ende soe hebben wy als van desen twie landen 20 roeden dycks

Hoeke, van den | 1291-02-26

v.d. Bergh II no 762

Achternamenindex

uitspraak van graaf Floris V over de dijk van Schouwen: "dat die ghene, die horen diic niet ghemaket en hebben, ende verwaert also, alse hi leste ghedeelt was bi Janne van den Hoeke, ende bi den ghesworen diere toe ghenomen waren, ons ghelden sullen tviscatgelt van den ghelde, dat wire in hebben doen legghen"

vermeld op Schouwen o.a. te Zuidkerke: Rengher Vannenz, Rengher Monekinsz, Costin Wolfartsz, Wouter Wadinsz, Slabbart Hughenz, Pieter Hughenz, Janne van den Hoeke

Pauw | 1579-12-03

Schepenrol van Monnikendam 3537

Achternamenindex

heeft Adam Pietersz van Randorp, eysscher, ter eenre, op ende tegens Pauw Isbrantsz gedaechde, ter andere zijde, geprotesteert van alle costen, schaden ende interessen die hij soude moghen doen. Schepenen condempneren Pau Isbrantsz op te legghen ende te betalen Adam Pietersz van Randorp alsulcke bomerije als hij hem is eysschende na vermelden zijnen obligatie