1356-02-11 (1355) |

G.A. Haarlem no 35 dl I no 36/Cartul St Jan 1 fol 16v

Haarlem Algemeen

scepene in Hairlem orconden dat voer ons quam broeder Lijclais van Alcmaer van St Janshuse tot Harlem, ende toet van haers meens convents weghen, waer dat sake datter yemant ware die renten ghecoft hadde op haer erve dat gheleghen is opt Heylighe Lant, datten heeren van St Jans voers. verstaen is, die hem gheven w.. de datter hem an ontbrect, ende dat erve nemen woude om alsulke hure alst die heeren voers. voertijts verhuert hadden, si woudent hem overgheven. Ende des gaven si elken menschen den koer die seide dat hij er hure op hadde twischen dit ende grote Vastelavont naest comende

Aelbrecht die Weent ende Jan Baec, schepenen