1517-02-12 |

G.A. Monnikendam Inv 154 fol 39v/Diversorium Galileaconvent

Jaartallenindex

Claes Gherijtsz, Jan Jansz, Claes Gherijtz ende Manthijs Dircsz, scotvanghers nu ter tijt in Zuijderwoud, lien ende bekennen voer ons ende onse naecomelinghen, dat wi van onsen bueren ende burghers weghen een ofcoep ghedaen hebben teghen dat cloester van Galileen an den aenpaert ende aendeel hem roerende van Garbrant Moensen salichgher ghedachten, ende lien daervan te vollen betaelt te zijn den lesten penning mitten eersten. Alle arch ende list utghesondert. Want wij scotvanghers voern. selver gheen zeghel en ghebruken .... zo zegelt Jacob van Rijn, scout in Suijderwoude voor hen, met opgedrukt zegel

1501-02-02 |

G.A. Monnikendam Inv 154 fol 59v/Diversorium Galileaconvent

Jaartallenindex

item emimus pater Johannes de Purmaria et ego frater Johannes cellearius de Monikendam a Symone Nycoli et filio suo Hilbrando et filiabus ejus als dat ⅓ deel van Mollersdyccamp want het leijt voer 3 deympt of scarp 4 koeven, mit noch dat ⅓ deel van die uterdijc die hoert an Mollersdyccamp buten dyck an die Purmer ende dat lant leijt ghemeen mit Wendelmoet Jan Heynesz wijf, ende hebben wi ghecoft om LXX 28st voer die gulden ende beloept tsamen 74 gld current. Ende die segsluden waren Jan Maechscips ende Gheryt Beersz ende waren beijde burghemeisters, ende oec Gheryt Jansz was oec burghemeester, die hebben dese penninghen gheweghen ende gedeelt ende betaelt Symon Claesz voers, die daarop quytsceldinge ghedaen heeft voer 2 scepenen als Pilgram Jansz ende Manthijs Jansz ende voer twie wesevoechden als Jacop Pietersz ende Gherijt Garbrantsz Paeu ende voer lendenen als Dirc Aemsz ende Jacop Jansz als een voecht van syn moeder. Ende Symon voers. mit zijn zoen Hilbrant hebben dit laten teykenen in dat weseboeck want wij dat begheerden

1478-04-07 |

G.A. Monnikendam Inv 154 fol 6/Diversorium Galileaconvent

Jaartallenindex

schepenen in Amsterdam oorkonden dat Piet Ghijsbertsz erkende verkocht te hebben bi consent der rade van der stede voers. als hi een weeskint is, Alyt Symon Willemsz die scedemakerswedue 6 g.g. overlantse Rynse gld jaerlixe renten tot ewelcken pacht op 3 husen ende erven in Pieter Jacobsz steghe bezyden malcanderen, belend west: jonghe Gheryt Jansz, oost: Gheertruut Hughe wedue. Borgen voor de vrijwaring: Pieter Ghysbertsz ende Bruninc Dircsz (vgl 1474, 1461-05-20)

Manthijs Pietersz en Albert Willemsz, schepenen