1401-05-17 | Sandoel

Cartul Carth Raamsdonk anno 1518 fol 119v/Carthuizers St Geerdenberg

Jaartallenindex

scepenen in St Geerdenberghe oorkonden dat Merlijn Fiola, lombart in onser poorte, overgaf Jan van der Heyden Gijsbrechtsz die erfnis en huysinge mitter timmeringe die daer op staet op die Sandoele gelegen, dair Mathys van Oirden op te wonen placht ende voirtyts Bouden Pawes plach te wesen, op die een side: Aernt Boudensz lant, op die ander side: Vette Aernt Nevensz lant placht te zijn. Ende daertoe met der selver ghifte dat blockhuys lant teynden dat hofweer, gelegen van der grooter weteringhe ten weghe toe. Ende met eener verghyenisse gaf Merlijn voirs. op Jan voirn. huijs ende hofstede dat heer Michiel die in onser stede Canonick was, gecoft had tegen Jan Pieter Tielenz.z op die Sandoele voirs. gelegen, an d'ene zide: dat erve daer Mathys van Oirden op te wonen placht, an die ander zyde: dat blockhuijslant voirs, behoudelic den chynse die daerop staet zyns rechts. Jan van der Heyden voirs en zijn wijf Margriete behouden de bruickwaer van dit alles hun leven lang. Ende teynden haerre beyder doot voirs. soe sellen die goede weder comen en erven an haer beyder erfnamen. Bezegelt met onsen zegelen 1401, s Dinxdages na St Servaesdach. [Het stuk is doorgehaald]. "Noch den brief an huys en erve opt Zandoel" (vgl 1399-10-08)

Jan Bouden Ydenz.z en Michiel Boudensz, schepenen