1500~ (8) |

G.A. Monnikendam Inv 154 fol 88-93v/Diversorium Galileaconvent

Jaartallenindex

(vervolg) Item daer van westwart op LXVI voet daer of beghint Jan Vertijnis lant IX verndel lants sijn goeghe daer een pael staet ende is die goeg tot die pael daer naest, ende suijdwert te sien op Broker mollen. Item van dat lant ghehieten die Kamer 2½ deympt ende een verndel ende beghint ant westerijnd neffen die bocht noertwert van die goeg neffen dat westereijndt van dat swarte lant recht neffen die sloet vant voers. lant, ende daer leit neffen an die zuijtzijde van die goeg een lant gheheten nu ter tijt die Capelrie ende is dat anderde lant van die vijfte cromme van Monikedamme an die zuytsijde. Item men sal weten dat alle landen die legghen an weren lants daer selmen of bewaren dijck ende goeg ende sloten verbi gracia alle die landen die legghen van Monikedam tot Wilsloet gaende op die Purmerdijck daer sel men of maken dijck ende sloten. Item die goeg diemen maken van Monikedam streckende tot die Zijl van die Leeck die leghen is oestwart van cleijn overleeck daer maect een yghelic sijn goeg ende niet die sloten. Want dese landen van dese goeg die legghen an die Purmerdijck streckende an die goeghe moeten maken die dijck ende sloten een nijeghelic neffen sijn weer. Ende alle die landen die legghen van die Zijl van die Leeck tot die Brecke die legghet westwart van groet overleeck neffen Wilsloet die maken goeg dyck ende sloten an die goeg ende dyck

1500~ (11) |

G.A. Monnikendam Inv 154 fol 88-93v/Diversorium Galileaconvent

Jaartallenindex

(vervolg) Item westwart van dat lant daer leit een goegcamp ende strect an Pieter Grebbis Zijl ende hoert toe Pieter Jansz Slikenburchs erfnamen ende in dat weer an die goeg hebben si twie naeste stucken ende dat derde stuck hoert ons toe ende is ghehieten Stacke (met streep erboven) lant ende is twie deympt lants, het deympt XVIII voet. Item daeran westwart daer beghint Jan Cuuskes lant die goge of ende leit recht neffen een sloet daer Jan Heijnricsz huus neffen staet ende wij tasten an onse goeg ant oest. Item westwart van Pieter Grebbers zijl daer leit Pieter Grebbis goegcamp ende in datselfde weer daer leit Brunincsweer twie stucke lants ende is tsamen VI deympts lants, ende dat halve lant van dat weer hoert ons toe, ende dat anderde deel Pieter Grebberswijf mit haer kinderen. Ende dit weer is alsoe breet dat wij een camptgen van den dijck daer hebben oec legghen een cleijn stuctgen lants dat wi ghecoft hebben van Ytgen Jan Kuuskis, ende Vroucke heeft dat dyccamptgen. Ende wij tasten onse goeg an oestwart. Item westwart daeran daer leit een goegcamp ende is gheheten Roelfsz goegcamp, ende is 2½ deymt lants XVIII voet van dat deympt ende in dit weer en hebben wij gheen goeg dan buten die goeg suytwart neffen dit voers. weer hebben wij legghen een cleijn rietlantgen daer hebben wij onse avenant of die goeg ende tasten ant oest

Hornes, van | 1368-07-23

Kleve Mark Urkunden 1223-1368 regest 551 p 300

Achternamenindex

Dietrich Luf Herr von Horne und Althenae gelobt seinem Neffen Adolf von der Mark: erhält Adolf vom Kaiser das Recht an dem Flusz (watere) vor Lovensteyne [Loevestein] 2 alte Turnose erheben zu dürfen, darf Adolf diesen Zoll auf ewig von Haus Loevestein aus einziehen und dazu auf eigene Kosten einen Zöllner (tolles wachte) in das Haus zu setzen

1500~ (15) |

G.A. Monnikendam Inv 154 fol 88-93v/Diversorium Galileaconvent

Jaartallenindex

Item Van Die Noertse Ven Sijn Dijck: item van die Noertse ven te Broeck XII voet, an die oestzijde Heyman van Broeken erfnamen, an die westzijde Coppe Lisis kinderen van Groet overleeck ende legghet an die oestzyde op een kantgen van een breectgen buten dyck, binnen dyck mit neffen een breeck ende als ghi staet op ten oesteijnd van die dyck soe comet die Vlareboem van Jan Clovershuus opt choer van Suderwoud. Item an onse XII voet westwarts soe zijn Coppelizens kinderen lenden ende hebben twie deympt, dycks XVI voet ende westwart an Coppelisenz kinderen dyck heb wi noch legghen XII voet dycks van die noertse ven ende lenden daer of westwart is Jan Remmetsoen van Overleec. Item noch van datselfde lant vier voet in dat gat legghen ende lenden daer of an deen sijde Pieter Berinc ende an dander sijde [niet ingevuld]. Item noch van die Noertse ven bi Beysloeter slues een voet ende daer heb wij een pael gheslaghen recht neffen die voet ende Jan Reijmsz is an die voet gheleghen

1500~ (5) |

G.A. Monnikendam Inv 154 fol 88-93v/Diversorium Galileaconvent

Jaartallenindex

Item Van Die Landen An Die Cloesterdijck: Item nedergaende van die Nuwedam op die Purmerdijck nae Galilleen gaende soe hevet een yghelic weer lants ende moet houden die dyck ende slotinghe binnendijck. Die dijck te maken is die scou Invencionis Sancte Crucis ende die slotinghe te scouwen is Sint Jan midsomer. Eerst die camer die comt neffen Claesges breeck en dat tast wij an an 't west ende maecken 20 treden jof daer bi an die sloot. Item Jan Vertins lant dat tast wij an van 't smaelweer van die sloet oestwart ende maken 15 treden van die sloet ende dyck. Item Koelkenweer dat wijst hem selver ut. Item Mollersdyccamp onsavenant. Item Dirc Florysz lant, van die twie landen sullen wij onse paert maken. Item soe als die weren strecken van die Leeck an die Purmerdyck soe sullen men die landen utnemen een yghelic nae sijn avenand. Item die voerven te koeijen die sloten ende die dijck te maken. Ende daer neffen leyt XL voet te maken die dyck van Leijoert ende is ghemerct mit 2 palen. Item Jan Ruuskes landen hout Vrouwetgen ende Symen Outjans te koeyen. Item die dyccamp moet wij koeijen Sint Jans mitssomer

1411-08-03 | Vraechel sub Oosterhout

Cartul Carth Raamsdonk anno 1518 II fol 100v/Carthuizers St Geerdenberg

Jaartallenindex

"den brief van 8 lopen rogs die Jacob myns heren zoen ons gaf". Schepenen in Oesterhout doen cond dat Cleijs Aernt Cocsz erkende schuldig te zijn Jan den brouwer Meusz 8 lopen rogs erfpachts. Onderpand: zijn huysinge en hoeveninge, houdende een bunder gelijk als t gelegen is tussen Aernt Goedevaertsz erve ende dat Valveken tot Vraechel. Vrij met sheren chyns en met 11 lopen rogs jaerlics. Item noch 2 lopen saetlants bij der Aelst gelegen neffen Godevaerts kinderen van Dorst (vgl 1412-12-23)

Gheldolf Haeck en Zebrecht Zebrechtsz, schepenen

1500~ (7) |

G.A. Monnikendam Inv 154 fol 88-93v/Diversorium Galileaconvent

Jaartallenindex

(vervolg) Item Pouwels twie stucken 5 ½ deymt, tsamen het deympt 33 voet ende leijt an mollers dyccamps goed ende beghinnet te sien op die scoel toe Monikedam, ende strecket doer die vierde crom westart op ende eyndet een weynich van die vierde crom noertward te sien recht op Edammer kerck. Item westwart an die voers. goeg daer leit die goeg van Dirc Florijsz lant ende is 4 deympt, het deympt 33 voet, ende het eijnt te sien noertwart dat Edammer toorn comt oestwart van twie husen van Katwoud ende zuijtwart te sien op Holesloter coppel. Item om die vierde crom van Monikedam of van t oest een weijnich treden int west soe staet daer een grove pael mit een groet hoeft dat gheslaghen heeft Claes Jan Ympkes, daer west of ende is ons niet. Daer an leijt Sinter Claeslant syn goeg ende hoert oec mede ons niet toe. Item nae Sinter Claes lantsgoeg daer leit an Koelkeweersgoeg daer een pael staet, ende eijndet tot die pael daer naest staet. Ende die pael int oest die beghint in die vyfte cromme neffen die derde sloet suydwert te sien ende eyndet westwart op neffen die vierde sloet tien treden verbij dat cruus te sien dat die anderde pael staet. Ende dit lant is twalif deympt ende elke deympt is XXXIII

1500~ (6) |

G.A. Monnikendam Inv 154 fol 88-93v/Diversorium Galileaconvent

Jaartallenindex

Dit Sijn Die Goeghen Van Monikebroek: item tuscken die straet ende die goegbregghe mit weghe, daer staen 2 palen ende daer sijn 4 rood goegs van 4 deympt lants ghehieten Lamptgeslant dat is 56 voet goegs. Mer sommighe willen segghen dattet ons niet toebehoert, want het heeft sijn dijck op die oude sluus mit noch twee husen daer an die betimmert sijn. Item een weijnich van die brugghe te gaen daer hebben wij gheslaghen een pael ant noert neffens Claes Fellen rijelant, daer leit die goeg van die acker, 1½ rood ende staet een weijnich van die eerste crom van Monikedam ende suijdwart dairan comt Reijer Aemsz goeg, die quade goeg op die waterslach. Item mids tuscken die eerste crom van t bregghtgen of daer leyt die goeg van Gelresse ven 4 deijmpt, dat deympt anderhalve roode. Summa 6 rood 84 voet, ende strect noortwart bi nae an die ander crom van die goeghe breg, ende suijteyndt te sien neffens dat derde huus van die Sacksteghe ende eijndet noertwert an mits an die anderde crom neffen die sloot van dat naeste lant an die brug daer een pael staet. Item een weijnich westwart daer of leyt een quade goeg ende is ghestoelt op een lant ende hiet dat Mollelant ende heeft een man van Amsterdam vercoft Gheryt Semmesoen. Daer syn wi gheen sever (?) of ende daer legghen voer ons Floertgen meester Dircs, Aechtgen Reijnis, Nies Jan Jaeps, Aeftgen Reijnis, an t ander syd oec Floertgen uts, Jaep Cleesen, Aechte Gelkisdochter. Item daer an van Mollers dyccampsgoeg onse deympt 33 voet ende legghet recht neffen die sudeijnder mollen te sien van Monikedam oestwart op te sien na die scoel ende strecket noert op ende legghet tusken die vierde ende vyffte crom ende eyndet recht te sien op die scoel te Monikedam

1500~ (12) |

G.A. Monnikendam Inv 154 fol 88-93v/Diversorium Galileaconvent

Jaartallenindex

(vervolg) Item Claes Gherijtsz goegcamp dat is dat anderde weer dat leit van dat weer dat leit neffen die driespronck daermen gaet nae Gabrielen breg of te Broeck ende het is 3 deympt lants dat deympt XVIII voet ende wi tasten die goeg an westwart. Item omtrint halfweghen van die driespronck van die goeg ende Gabrielenbreg daer hebben wi legghen .. [niet ingevuld] voet goegs van Volkenthem. Ende wij hebben noch van Volkenthem 8 voet an Gabrielenbreg want een yghelic deympt heeft twie voet, tsamen 8 voet. Ende onse 8 voet die legghen ant noerteynde van die brugghe. Want mr Willem Arijsz erfnamen die hebben 8 voet ant uterste eynde van die bregghe ant noerte ende hebben si van VrouwenVen. Ende wij hebben an dese 8 voet suydwert daer hebben wi legghen oec mede 8 voet van Volkenthem. Ende an ons suydwert daer comt an Gheryt Outgersz van Monikedam ende Jaep Jannekis erfnamen van waterganc. Item gaen nae Groet OVerleeck twisken Hilbrantshuus ende Jan Coppisz huus als ghi staet recht mits tuschen neffen die sloet westwart op onse goeg tot die naeste sloet van Willems dyccamp of Wilshoern ende is IX verndel lants. Item van Jan Reijmetz Brechout of westwart op XLIV voet goegs van t Breetweer dat wij hebben ghemeen mit Jan die Waelen kinder ut welke lant ons toebehoert 1½ deympt ende een verndel (in margine: ons XXII voet goeds). Item gaende westwaert nae Wilsloterbreg dat seste ofte sevende weer dat strect op Jan die Walen huus oestwart weer omgaende daer heb wij legghen een goegcamp an die goeg daer hoert ons toe die goeg te maken ende die sloet scoen te maken. Mer die dijccamp die in datselfde weer leit die moet die dycsloet scoen maken. ende dit lant is ghehieten Nanckenlant

Ham, uten | 1473-04-22

Leenregister Abdij St Paulus Utrecht 505 fol 231v

Achternamenindex

leen van de abdij St Paulus te Utrecht: jvr Margriet, vrouw van Vrederic uten Ham, beleend na dode van Reyer Jacob Nennincksz van Grymmesteyn met 2 vierdeel veen, het ene gelegen in Hezer Veen, belend oost: Jacob van Lichtenberch met een hoeve veen, zijn vrouw aanbestorven van haar broer Gysbert over die Vecht, west: mr Aernt van der Hoeve met 3½ vierdel veen, het andere vierdel gelegen in den kerspel van Zoes, strekkende van der Zoesgrafte tot neffen die meer toe, belend oost: Ghysbert van Lodensteijn, west: Bertout Peter Reynersz; "nu van Hamersfeld, ut in libro abbatis Jacob de Stege fol 39"

mannen: Jan die Coninck, Peter van Zulen, Alffair Ruijsch, Gysbert Henricsz