1396-08-08 | Mathenesse, oud

Cartul Carth Raamsdonk anno 1518 fol 75/Carthuizers St Geerdenberg

Jaartallenindex

hoghe heemraeders van Scielant doen kont dat Berthout Artszoen ende Smyt groet Jansz, ambachtsbewaerders van Rotterban, ende lyede dat Wouter van Mattenesse jegens hem verpacht hadde die dycboetinghe die Ommoerden toebehoert tot een erfpacht, gelegen in Oude Mattenesse, streckende van den Groenenwege oestwart toter dyckboetinghe toe, die den ambacht van Bleijswyck toebehoert, ende belegen heeft op die noordzijde: die Sartroysen van St Geerdenberge met ½ morgen lands, zuid: die oude dyck. Ende hieraf zal Wouter voirs. off die bruyker des dycsboetinge alle jaer geven 5 schell Holl. Bezegeld met onsen zegelen anno 1396 op 8e dach van Oestmaant

Peter Hughe Symonsz en Jacop Peter Venynsz, hoghe heemraders

1500~ (13) |

G.A. Monnikendam Inv 154 fol 88-93v/Diversorium Galileaconvent

Jaartallenindex

Van Gherijt Paeuwen Landen T Udam Haer Dijck: Item van Gherijt Paeuwen lant t Udam van Wouter Poijs huijs te Beijsloet dat is dat anderde huus van t sluus LVIII voet ghemeten nae Udam wert daer heb wi legghen XVIII voet, oestwart van ons leit Garbrant Kaijn (Kaiju ?), westwart Claes Verlaen (Dese XVIII voeten sijn behuijst). Item van dat selfde lant hebben wi noch XII voet ende leggen CLVIII voet ghemeten Udam wert an Van Wilde Brantges huus of ghemeten ende is dat vierde huus van die sluus toe Beijsloet, ende oestwart van onse dijck is ghelant Jan die Groet, ende westwart Jaep Berinc van Suijderwoud. Item van datselfde lant heb wy noch 7 voet legghende after Jan Oskis huus te Udam ver voet van sijn middelscot van sijn huus vant after huus. Ende daer sijn leden of Scipper Heijn ende Jan Boen. Item van dit lant daer heb wij noch legghen damwerck of oken van die drie deympt een voet als ons gheseit heeft een goet man van Suyderwoud, gehieten Claes van Woud, ende Gherijt Paeuwen lant is 5 deympt lants ende heeft aldaer 2 voet dycks. Item dit lant heeft noch 7 voet dycks als ons gheseit heeft een goet man van Suijderwoud ghenoemt Jaep Berdis, ende Jan die Wael haddet hem gheseit, ende legghen als men gaet van die naeste crom suijdwart van Udem westwart op neffen die riep te sien, ende legghen bi een rielant gheheten dat werfgen binnen dijck

1479-05-01 |

G.A. Amsterdam Inv Gasthuizen regest 756

Jaartallenindex

Willem Symonsz, schout van Narde, oorkondt dat Heynric Clementsz erkent schuldig te zijn aan Meynaert Aertsz en diens vrouw Eijb Gheriit Jansdochter tot een lijfrente, gedurende hun beider leven, van 9sc sjaars, elk schild van 14st. Welke rente hij verploghen heeft op een weer lants te Narde, ende is streckende van die Uterbuert tot an die Miert [?], ende oestwart an leit een weer lants ende hiet dat Gheylweer, ende westwart an leit een leenweer dat men te leen houdt van mijn heer van Egmont, gheliken ander buerlants. Bij niet betaling mag Meynert dit land eygenen. Hier waren an ende over als buerlude: Willem Roelofs ende Jan Willemsz. Ende want wi tughen voers. selve gheen seghel en ghebruken verzoeken zij Willem Roelofsz, den schout van Achtienhoven, voor hen te zegelen

1500~ (4) |

G.A. Monnikendam Inv 154 fol 88-93v/Diversorium Galileaconvent

Jaartallenindex

Item Van Gheryt Paeuwen Twie Stucken Lants: Voort gaende duer die Nuwedam ende comende op die ofrel of driespronck daer men gaen te Edam, daer legghen twie stucken lants die wij ghehadt hebben van Gheryt Paeuwen ende sijn 8 deijmt lants, ende legghen after Heijn Pietersz lant, en soe hebben wij die hoghe dyck twie voet of drie van die westerhorn oestwart op tot dat mids van die slote van t voers. lant. Ende sijn tsamen 16 rood dycks, een rood is 14 voeten. Item noch van datselfde lant noch 2 rood dycks op die Crom in Katham voerbi Jan Haghes ende Heijn Pietersz is onse lenden. Item noch datselfde land twie rood dycks herwert gaende nae Katwouder sluus ende Heijn Pietersz is onse lenden ende dese dyck is mit twie palen ghemerct. Ende soe hebben wy als van desen twie landen 20 roeden dycks

1500~ (5) |

G.A. Monnikendam Inv 154 fol 88-93v/Diversorium Galileaconvent

Jaartallenindex

Item Van Die Landen An Die Cloesterdijck: Item nedergaende van die Nuwedam op die Purmerdijck nae Galilleen gaende soe hevet een yghelic weer lants ende moet houden die dyck ende slotinghe binnendijck. Die dijck te maken is die scou Invencionis Sancte Crucis ende die slotinghe te scouwen is Sint Jan midsomer. Eerst die camer die comt neffen Claesges breeck en dat tast wij an an 't west ende maecken 20 treden jof daer bi an die sloot. Item Jan Vertins lant dat tast wij an van 't smaelweer van die sloet oestwart ende maken 15 treden van die sloet ende dyck. Item Koelkenweer dat wijst hem selver ut. Item Mollersdyccamp onsavenant. Item Dirc Florysz lant, van die twie landen sullen wij onse paert maken. Item soe als die weren strecken van die Leeck an die Purmerdyck soe sullen men die landen utnemen een yghelic nae sijn avenand. Item die voerven te koeijen die sloten ende die dijck te maken. Ende daer neffen leyt XL voet te maken die dyck van Leijoert ende is ghemerct mit 2 palen. Item Jan Ruuskes landen hout Vrouwetgen ende Symen Outjans te koeyen. Item die dyccamp moet wij koeijen Sint Jans mitssomer

1473 (4) | Raamsdonk

Cartul Carth Raamsdonk anno 1518 fol 101, 102/Carthuizers St Geerdenberg

Jaartallenindex

(vervolg) ibidem Adriaen Bac dat middelt daer zyn schuerken staet totter halver gheil to (?) van den heylen weer, ghift hi 29 st dat is van elken gerde 2st min 2 st op ten hoop (koop ?) daer onse deel af beloopt omtrent 14½ st. Idem chyns op t weer daer hij woont ½ brasp. Ibidem Andries Andriesz ons 8⅛ gherden totter Gheil, 5 jaar, sjaars om 4½ Arn gld. Ibidem Velthoven tot Tilborch die oirden van den weer elke gherde om 4 st facit ons deel 8st 1 deut. Ibidem nota der bonteringherweer oestwart ant Rysbroeck hout 4 morgen gen ghilt 13st. Ibidem in fine ejusdem registri: nota heer Willem van Braeckels weer hout 24 gerd. Hier sijn opgegaen onkost van maten van elke gherde 1 oirt van 1 Phil penn ende van onkost an scout en heemraden tesamen 5 st. Ic heb ontfaen 6 R gld van enen jaer der huren van Jan Geritsz, koster tot Raemsdonk. Item in registro anni 1476 scripsit pr. Nicolaes Huesden: Jan Stevensz 1£. Idem unam peciam in concambui bij t Rysbroec over die steghe 10 jaer lanc ende hij zal jaerlicx toegeven 21st

1518-02-25 (2) | Oosterhout

Cartul Carth Raamsdonk anno 1518 fol 91v, 92/Carthuizers St Geerdenberg

Jaartallenindex

(vervolg) 4) ½ buynder beemden gelegen oick achter ten Hout in die bodonge alsoe groet ende cleyn dat gelegen is, an die zuidzijde: Art Gherits erve, noord: Thonys die Bruijn, streckende van Jan van Zeben erve oestwart tot op den Bodonghen wech westwaart, vrij met heren chijns; 5) noch omtrent een buynder dorder weygen gelegen Steloe, op die noordzijde: mr Wilm Humansz erve, zuid: Goyart van den Biestraten erfgenamen, west: Neel Aert Gerrits erve, oost: sheren straat, vrij met heren chyns; 6) noch twee viertel rogs erfpachts van een pacht van 5 viertelen daer die drie aff gelost waren. Welcke Jan van Zeben jaarlijks utreickende is den voirg. Mariken ende Cornelia dieselve Jan voirtyts geloeft had Peter timmermans te betalen alle jaer te Lichtmis op zyn uutgegeven goeden, na utwysen der brieve die daerf is. In welke erfenis voirg. dat voirs. goidshuys gevest en geerft is met vonnis ende met rechte alsoe dat hem seker is ende vast. In oorkonde bezegeld met onsen zegelen 1518, 25 Febr. Drossairt, scepenen en gericht van Oesterhout. Wy hebben geconsenteert en consenteren in de ghifte en transport van den goeden gespecificeert in den brieven, hieraan gehecht t.b.v. het clooster v.d. Chartroysen bi den Berghe. Gescreven tot Breda den 13 Febr. 1518 Ludicx styll (1518-02-13)

1500~ (7) |

G.A. Monnikendam Inv 154 fol 88-93v/Diversorium Galileaconvent

Jaartallenindex

(vervolg) Item Pouwels twie stucken 5 ½ deymt, tsamen het deympt 33 voet ende leijt an mollers dyccamps goed ende beghinnet te sien op die scoel toe Monikedam, ende strecket doer die vierde crom westart op ende eyndet een weynich van die vierde crom noertward te sien recht op Edammer kerck. Item westwart an die voers. goeg daer leit die goeg van Dirc Florijsz lant ende is 4 deympt, het deympt 33 voet, ende het eijnt te sien noertwart dat Edammer toorn comt oestwart van twie husen van Katwoud ende zuijtwart te sien op Holesloter coppel. Item om die vierde crom van Monikedam of van t oest een weijnich treden int west soe staet daer een grove pael mit een groet hoeft dat gheslaghen heeft Claes Jan Ympkes, daer west of ende is ons niet. Daer an leijt Sinter Claeslant syn goeg ende hoert oec mede ons niet toe. Item nae Sinter Claes lantsgoeg daer leit an Koelkeweersgoeg daer een pael staet, ende eijndet tot die pael daer naest staet. Ende die pael int oest die beghint in die vyfte cromme neffen die derde sloet suydwert te sien ende eyndet westwart op neffen die vierde sloet tien treden verbij dat cruus te sien dat die anderde pael staet. Ende dit lant is twalif deympt ende elke deympt is XXXIII

1500~ (8) |

G.A. Monnikendam Inv 154 fol 88-93v/Diversorium Galileaconvent

Jaartallenindex

(vervolg) Item daer van westwart op LXVI voet daer of beghint Jan Vertijnis lant IX verndel lants sijn goeghe daer een pael staet ende is die goeg tot die pael daer naest, ende suijdwert te sien op Broker mollen. Item van dat lant ghehieten die Kamer 2½ deympt ende een verndel ende beghint ant westerijnd neffen die bocht noertwert van die goeg neffen dat westereijndt van dat swarte lant recht neffen die sloet vant voers. lant, ende daer leit neffen an die zuijtzijde van die goeg een lant gheheten nu ter tijt die Capelrie ende is dat anderde lant van die vijfte cromme van Monikedamme an die zuytsijde. Item men sal weten dat alle landen die legghen an weren lants daer selmen of bewaren dijck ende goeg ende sloten verbi gracia alle die landen die legghen van Monikedam tot Wilsloet gaende op die Purmerdijck daer sel men of maken dijck ende sloten. Item die goeg diemen maken van Monikedam streckende tot die Zijl van die Leeck die leghen is oestwart van cleijn overleeck daer maect een yghelic sijn goeg ende niet die sloten. Want dese landen van dese goeg die legghen an die Purmerdijck streckende an die goeghe moeten maken die dijck ende sloten een nijeghelic neffen sijn weer. Ende alle die landen die legghen van die Zijl van die Leeck tot die Brecke die legghet westwart van groet overleeck neffen Wilsloet die maken goeg dyck ende sloten an die goeg ende dyck

1500~ (11) |

G.A. Monnikendam Inv 154 fol 88-93v/Diversorium Galileaconvent

Jaartallenindex

(vervolg) Item westwart van dat lant daer leit een goegcamp ende strect an Pieter Grebbis Zijl ende hoert toe Pieter Jansz Slikenburchs erfnamen ende in dat weer an die goeg hebben si twie naeste stucken ende dat derde stuck hoert ons toe ende is ghehieten Stacke (met streep erboven) lant ende is twie deympt lants, het deympt XVIII voet. Item daeran westwart daer beghint Jan Cuuskes lant die goge of ende leit recht neffen een sloet daer Jan Heijnricsz huus neffen staet ende wij tasten an onse goeg ant oest. Item westwart van Pieter Grebbers zijl daer leit Pieter Grebbis goegcamp ende in datselfde weer daer leit Brunincsweer twie stucke lants ende is tsamen VI deympts lants, ende dat halve lant van dat weer hoert ons toe, ende dat anderde deel Pieter Grebberswijf mit haer kinderen. Ende dit weer is alsoe breet dat wij een camptgen van den dijck daer hebben oec legghen een cleijn stuctgen lants dat wi ghecoft hebben van Ytgen Jan Kuuskis, ende Vroucke heeft dat dyccamptgen. Ende wij tasten onse goeg an oestwart. Item westwart daeran daer leit een goegcamp ende is gheheten Roelfsz goegcamp, ende is 2½ deymt lants XVIII voet van dat deympt ende in dit weer en hebben wij gheen goeg dan buten die goeg suytwart neffen dit voers. weer hebben wij legghen een cleijn rietlantgen daer hebben wij onse avenant of die goeg ende tasten ant oest