1435-03-03 (1434) |

G.A. Haarlem N 184 fol 15/Cartul Leprooshuis

Haarlem Algemeen

opschrift: Tetroede (!). Scepenen in Hairlem oirconden dattet ghewijst is met vonnesse der scepene twisken die Lazarus ziekenmeesters an die ene sijde, Jan Jacobsz met Gheryt van Zantvoirt ende Pieter Rueper an die ander zijde, nae hairre beyder dinctale, also moghen die Lazaruse ziekenmeesters betoghen als zij mit recht sculdich zijn te betoghen datter een lane ende een otwech gheleghen buijten die cleyne Houtpoirte bij Rosen proijeel menich jair lanck daer gheweest ende gheleghen heeft tot eenen otwech dat zij dan totter zieken behoef voornoemd hoeren otwech over die lane voirs. hebben zullen, des zoe hadden die Lazarusziekenmeesters totten zieken behoef voirs. betoich na den ghewijsden vonnisse voors

Ocker van der Crempe, Jan van Bekensteyne, Claes Allijnsz, Jan Claesz van Dam en Jan van Huessen, schepenen