2 resultaten
1419-05-27~ |
R.A.H. Coll Aanw 74 fol 34/X Mem B.K. fol 9, 26v/Van Riemsdijk: Rechtspraak Graaf van Holland dl III p 288 no 526
Haarlem Algemeen
in dustaniger manieren sijn verborcht die lude hierna gescreven, dat is dat sij minen heer beteren sullen bi minen heer ende sinen Rade, ende daer sal men t gerecht van Haerlem bi nemen, wes minen heer, sinen Rade, en t gerecht van Haerlem niet en dunct dat sij wail verantwoorden sullen roerende van den geleyde dat aen Huge van Diemen gebroken soude wesen. Eerst Jan Aelbrechtsz, borg: Willem Dirc Gherijtsz op zyn lyf ende op syn goet; Jonge Jan Aelbrechtsz, zijn zoon, borg: Floris uten Campe; Bertout Lottynsz, borg: zyn broeder Willem Lottijnsz; Lutgen Willemsz, borgen: Allert Claesz en Pieter Claesz. December 1419: item Henric Hermansz ende Gheryt Emmenz hebben geloeft an hande s tresoriers Huge van Diemen van Haarlem, dat hi terechte comen sal ende hem rechts getroesten tot vermaningen s tresoriers. Ende die tresorier en sal hem niet manen, hi en sal veylich wesen van allen saken, sonder daer hi voir toegesproken sal worden
1325~ |
…... bron en rest ontbreekt
Haarlem Algemeen
dit kennet Jan van Roeland alze van der bede van dien van Aelbrechtsberge, Tetrode, Zandvoirde, Scoten ende Heemstede, alze dat zi zomwile bede ghegheven hebben ende zomwile verdreghen zien; voirt van den gherechte van Scoten zo kent hi dat hem die baeliu van Oeloud, zire moeder, erve in t erfhuys te Scoten jeghens Clase van Roeland, siren stiefvader, zelve recht dede ende terechte zat ende van danen brocht hi it in den hof ende dat die van Scoten gheen recht en hebben dan zi van haren landsaten van scoude ende van scade, die zi op malcanderen te segghen hadden op haren lande te rechten up ene boete van 2sc; maer wilde yemend recht hebben van den lanthere dat moeste die baeliu doen bi zinen bode ende die buren wysden dat si van 's lands heren weghen niet vorder sculdich en waren vonnesse t'ontfane dan te 2 sc toer. Voert zoe zeijd Pieter van Rolland dat hi niet en weet dat dese lude voirs. eneghe bede hebben ghegheven, maer van haren lande dat si buten copen in anderen jeghenheden daer en weet hi niet of weder si ghegheven hebben of [niet ?] en hebben; vort zeyd hi van dien van Scoten dat zi niet vorder en rechten dan van scade ende van scoude ende dat bi eerre boete van 2 sc; voirt zeyd Willem Hughen van Zaenden dat hi niet en weet weder zi bede gegeven hebben oft en hebben; voirt zeyd hi dat die van Scoten ghien recht en hebben dat [!] van scade jof scoude op eerre boete van 2 sc op hare landsaten. Voirt zeyd Jan Ponsekianenszone dat hi van der bede niet en wiste dan dat die van Scoten beoesten der Groter beke gheven herfstbede ende bottinghegeld ende diezelve luden dienden doe men t huys te Kyc ouver dyc maecte ... (?) anders dan Kenemaren, ende omme dat die huysluyde wonende twisken de beke ende Haerlem ghienen dienst en dede, zoe omboitse die grave Florens voir hem tote Aelbrechtsberge omme te wetene bi wat redene dat si vri wouden wesen, daer zi ghiene antwoirde op en wisten dan Enghebrecht Persyn van Scoten ende oude Symon van Zaenden zegheden of die grave niet alzoe lief en hadde dat die lude haer land bouweden alze dat zij 't zelve (rest ontbreekt, fiche ontbreekt met de bron)