1495-04-23 |

G.A. Haarlem Inv no 915 hs van Alkemade en v.d. Schelling I fol 79v/Roeperpapieren Haarlem

Jaartallenindex

ick Gerard utter Ham, maerscalck Zuijder Stichts, baljuw van Abcoude en castelein van Vredelant en van myns genadige Heren van Utrecht, certificeert dat Heinrick Willemsz, toenre s briefs, de echt geboren is van de Gravelingen geslacht in den Sticht van Utrecht van die zwaertzyde ende van geenen bastaerdye en is, mijn zwaer van der selver Gravelingsgeslacht voirs, daer ik an gehijlict bin

zegel van Gerrit uten Ham: 3 spitsruiten (2,1)

1357~ |

R.A.H. Coll Aanw 50 fol 78v [verkeerd gefolieerd]/Reg B. Bloys Cas D fol 94

Jaartallenindex

lieve heer en neve, wij laten u weten dat s woensdaeghs nae St Martynsdag in den Somer, onse lieve vrouwe en suster, uwe oudemoeder, die vrouwe van Sentenelle, bi ons was tot Eymeric. Ende op dieselve tyt quam aldaar Willekyn Ever, toenre des briefs die ons lyete syen goede brieve, ghans ende gave als ons dochte, van onser lyever vrouwen ende nichten, uwer moeder, ende van u daer hem mede bevolen was en gegeven dunewairder te wesen in der manieren dat sine brieven spreecken en gesyen mogen. Ende op dieselve tyt tugede onse lieve vrouwe en zuster openbaerlic voer ons dat si daer over en ane was tot Aet in Brabant dat in Henegouwen is, daer hem dese dienst bevolen wert, ende dattet oec bi hueren toedoen ende bede was, welke Willekyn ons toende dat hi des dyensts nyet gebruken en moet, dat ons herck (?) wonderlyck heeft, want wi ghene mangeren geproeven en connen, waerbi dat men hem sinen dienst benemen mach daer en s anders wat in dan wi geweten connen. Gegven die, loco et supra [datering ontbreekt]

1507-02-26~ |

G.A. Monnikendam Inv 154 fol 80/Diversorium Galileaconvent Monnikendam

Jaartallenindex

Een Tollenbrieff. Scout en scepenen in Broeck, gelegen int graefscip van Holland oorkonden dat dese onse teghenwoerdighe brieff toecomen sal hoe dat Scipperheer Melys Heynricsz toenre des briefs onse inwonende buerman is ende alle tyt gheweest is ende dese kraijgher die hi nu ter tyt voert mit alle sine toebehoeren ende mit die gueden die daer in syn onse inwonende bueren den meestendele toebehoeren, dat ander deel in die ses dorpen van Waterlant. Waerom wij bidden allen moghenden coninghen, hertoghen, graven, princen, bankeren, ridderen, baeluwen, drossaten, voechden, scouten, amicalen ende alle guede luden daer dese onse scipheer voirs mit sinen scepe ende goeden toecomen sal ende een ygheliken van u bisonder dat ghi hem vorderlic ende hulpelic wilt wesen elxs in uwen bedrive, dat ghi woudet dat wij ju ofte juwen daeden of tot anderen tiden ghebuerden in den onsen, welc wi ju vriendeliker toebetrouwen. Omdat dit waer is ende wij scepenen voers. selven gheen zeghel en hebben soe hebben wij ghebeden Heynric Jacopsz scout, dat hi desen brief over ons bezeghelen wil

Heynric Jacopsz, schout, Ysbrant Jansz, Pieter Jansz, schepenen in Broeck