1351-02-04 (1350) |

R.A.H. no 36 fol 391/Reg EL 32 fol 565v

Haarlem Algemeen

hertog Willem etc doen te weten onsen goeden luden van onser stede van Haerlem gemeenlic, dat wi tot ander tiden an onse stede voirs. gheschreven hebben naernstelic dat si der Vrouwen van Waterland Heeren Jans Persynsdogter haer goed, dat roerende is van der grute ende van den hoppenen biere vrielic ende rustelic soud laten gebruken in allen manieren ende schine alst haer ouders gebruuct hebben des hoer niet geschiet en is, dat ons seer verwondert ende niet en staet te gedogen, want soedanich goed ons eygen is ende na haer doet ons toestaet te comen, waeromme wi u gebieden ende onbieden alsoo naerstelic als wi mogen, dat ghij der vrouwe van Waterland voorn haer goedt vors. vrijlic ende rustelic laet gebruken den voldoen van horen afterstalle, ende des en laet niet alsoe lief als ghi ons ende onse nacomelingen hebt, want wi ymmer onse goedt gelyc dat ons van onsen ouders aengecomen is ende onse mannen u horen rechte mienen en willen houden. In orconde etc gegeven Tordrecht (vgl 1327-07-24)