1347-11-21 |

A.R.A. Leenkamer 47 fol 34v no 264, fol 35 no 265/Reg in Beijeren v. R. no 25

Haarlem Algemeen

hertog Willem oorkondt "want Willem van Rollant voir ons comen is ende toent ons met goeden warachtighen ghetughe als dat hi hadde enen openen brief van den Coninc Willem onsen voirvorder, daer God die ziele of hebben moete, ende dat die brief hilt dat Dieric Brecaes van hem helt then rechten lene t huys van Rollant, zadeland ende madelant, alsoe groet alst tot den huse voirseit toebehoirt, gheleghen tusschen der port van Herlem ende Tetrode, ende die weijde van allen beesten die met monde gras eten moghen in den Houte tot Herlem ende XX verken sonder wedeme ende sonder herdalft. Item 4 hoet ghersten te leveren uten moniken hove van Tessele tot Herlem sonder sinen cost. Item enen tiende die gheleghen is over Spaerne tusschen Beudekinsloot ende der Woesingherliede upgaende toeter Linninghe. Welken brief Willem vorseit verloes in den groten brande tot Herlem ende begherde uterliken an ons dat wi hem ghenade daerof doen wouden. Ende want Willem voirs. dit voirs. leengoet van Wouter van Rollant sinen broeder ghecreghen hadde, soe hebben wi Willem voirseit daerin alzulke gratie ghedaen ende hebben hem ende sinen nacomelingen dat voirs. goet verliet ende verlien van ons etc te houden then rechten lene alsoe verre alst Wouter voers. te houden plach. Sonder argelist. In orconde. Ghegheven in die Haghe des Woensdages voer Sente Katrinendach anno 1347". Eodem die geeft Willem van Rollant 8 £ Holl sjaers uit dit leengoet aan Florens Danielsz, van de grafelijkheid te houden ten rechten leen, uit te reiken door Willem voirs en zijn nacomelingen

R. Vlec, G. de Hemst[ede]