1516-10-15 |

A.R.A. 490 no 105/Sent. Hof van Holland

Jaartallenindex

gesien bij den hove van Hollant die grieven overgegeven bij heere Geryt van Lochorst, ridder, vervangende joncfrouwe Adriane weduwe van Jan van Lochorst, Jacob Heerman als man ende voecht van zijn huysvrouwe, vervangende Willem Janszoon als voecht van zyn huysvrouwe jvr Margrete, appellanten van zekere sententie interlocutoir van desen Hove in date den 3e Juni j.l. gegeven tot hueren achterdeele ende tot voirdeele van Frans Diricszoon als gestelt ende geordonneert voecht van den onmondigen kinderen van Cornelis van Hoichtwoude. T voirs. hoff reparerende dieselve grieven alsoe verre alst raict die provisie int selve appoinctement geroert, verclaert dat de appellanten namptiseren zullen in handen van Frans Diricxsz als voecht der kinderen voors. die somme van 25£ gr Vls, verlairt in dr voirs. appoinctemente omme bij denselven voecht geemployeert te worden achtervolgende de uyterste wille van wijlen heer Adriaen van Poelgeest, ridder, ten waer de voirs. appellanten diezelve penn. wilden onder hem houden ende daervoeren tot prouffyte van de voors. kinderen versekeren jaerlicxe renten, 't welck zij gehouden sullen wesen te verclairen binnen 8 dagen etc