1400-11-05 |

R.A.H. Coll Aanw 47 fol 632/Liber V fol 400

Jaartallenindex

hertog Albrecht oorkondt: want onse geminde heer Adriaen van Cruningen, ridder, getoent heeft groten schade die hi geleden heeft aen sinen huse te Cruningen van eenre toern die neder gevallen is, soe hebben wij overmits oetmoedichs versoecx willen desselven Adriaens, op dat hi denselven toern te bet weder opmaken ende verrichten sal mogen, ende omdat hi oic dat voirs huse van ons te leen houdt, him vercoft ende vercopen mit desen brieve 74 gemeten lants in Hinkelpolre, enden excys in onser Vrouwenpolre, gelegen in onsen lande van Zuyt Bevelandt, alsoe als ons datselve landt in Hinkelpolre ende den excys in onser Vrouwenpolre tot hier toe behoort hebben. Welc lant ende excys heer Adriaen voirn. en zijn nacomelingen hebben, besitten en gebruken sullen mitte renten die dair of comen mogen als wij tot hair toe gedaen hebben, behoudeliken dat sij die van ons etc. houden sullen tot sulken recht en lien als dieselve heer Adriaen dat huys van Cruyningen van ons houden. En bekennen ons van him hieraf voldaan en betaalt