1492-10-01 | Meeuwen

Cartul Carth Raamsdonk anno 1518 fol 78/Carthuizers St Geerdenberg

Jaartallenindex

ic Arnt Spierinck van Wel Jansz doe cond dat Heyn Merwijs ende Loij Ockers, als gesworenen des dorp van Meuwen, aen die erff. van den cloester bij St Gheertruidenberghe gepant hebben voer den onraet, die daer binnen sdorp op gheset was, ende voirtaen daer voer hebben doen verbieden tot Meuwen in der kerken drie Sonnendagen ende daer rechtelick een bruē afgedreven hebbe hebbbe alzo zy mij dat op horen ede aanbrachten, ende mij die hure van den voirs. erff voor richter ende gheburen overgegeven, gelijc dat behoort te geschieden naar den rechte van den lande. Welke hure ic heb laten varen ende den voirs. goedshuys hoere erffg[enamen] heb laten ghebruijken, want sij mij betaeld ende vernuecht hebben van den onraet daer hoir erffg. bij den setters van Meeuwen op sgheset was. Ende want men schuldig is t getugenesse der waerheit te geven als des versocht wordt, so heb ick Arnt Spierinck voirs. uut versoeke van Anthonis Henricsz van Fayenhoven als rentmeester v.d. voirs. clooster in kennis der waerheyt myn segel hyr beneden op spacuum van deser certificatie gedruct

Herlaer, van | 1635-12-13

G.A. Alkmaar Fam Arch Vladeracken Port 8 omslag b

Achternamenindex

wij Pieter Adriaensz Heiligendach, ghewesene substituut baillyu ende schoudt tot Egmont Binnen ende den Hoeve, ende jegenwoordich schoudt tot Wimmenum, Eddeck Claesz van Sanen, schout tot Egmont op Zee, ende Heyndreck Jansz, wonende te Egmont Binnen, hebben eendrachtelicken ten versoeke van de weduwe en kinderen van Loeff van Heerlaer, verclaert dat wij verscheyden malen hebben gepacht ende tesamen mede gepacht de grave ofte heere excysen van de Hoeve, sulcx dat verpacht wert bij de Heren, neffens hare andere tienden ende goederen, op idere tonne bier, die bij hoore ingesetenen werd ingeleyt, 4 stuyvers boven de lasten die bij de Heeren Staten daer op zijn ghestelt. Van welcke 4 st Loeff van Haerlaer nooijt heeft betaelt, maar hem als een eedel man daervan exempt gehouden, gelyck oock nog jegenwoordich doet syne weduwe, gheduerende onse pachtinge. Noch hebben oock niet van iemant hooren seggen dat Harlaer oijt heeft betaelt gehat etc

P. Ariansz Heiligedach, Heindrick Jansen, Eddick van Sanen