1351-12~ |

A.R.A. Copie Leenkamer no 39 fol 15v, 16/Reg E.L. 23 fol 11

Jaartallenindex

hertog Willem oorkondt: want ons en onsen gemenen lande grote swaernesse gecomen es van den burgeren en steden, en namelyke van den burgeren ende steden ende gerechten die op den palen van onsen lande gelegen sijn, overmits dat se onse voirvorders eenigerhande lude verleent hebben, gehouden van der graeflicke, dat onse lieve en getrouwe Raet ende gemeen steden van Holland ons wel getoent hebben ende wi selve in t wair gevonden hebben, soo hebben wi om sulke swaernesse voirt meer te verhoeden, geloift ende loven onsen lieven en getrouwen steden voir ons en voir onsen nacomelingen, dat wi noch onse nacomelingen nimmermeer van onser graeflichede eenighe burghe, stede noch gerecht die op die palen van onsen lande gelegen sijn, niemanne wech geven noch vertyen en sullen, ende enigerhande gerechte die ymant heeft in onse vrije steden, in wilker manieren of wanneer si an ons comen sullen of mogen, bi besterfte, bi verbornessen of bi cope, dat wise an ons trecken sullen en houden sonder enich middel (?). Item hebben die stede eenre beveelnesse eenen raet te houden ende te vergaderen tot elken veertien dagen of drie weecken durende te wederseggen. Ende went mijn heere weder uijt Ingelant coemt, gegeven in den Hage